Aldaǵy ýaqytta jańbyr jaýyp, úsik júredi
ASTANA. KAZINFORM — Qazaqstannyń basym bóliginde aýa raıynyń qubylmaly sıpaty saqtalady. Jańbyr jaýyp, naızaǵaı oınaıdy.
30 sáýirde eldiń ońtústik-batysynda jáne soltústik-batysynda, al 2 mamyrda ońtústigi men ońtústik-shyǵysynda nóser jańbyr jaýady. Keı jerlerde burshaq jaýyp, ekpindi jel soǵýy múmkin.
30 sáýirde soltústik jáne ortalyq óńirlerde, sondaı-aq búkil kezeń boıy shyǵys oblystarda jaýyn-shashynsyz aýa raıy boljanady. Qazaqstannyń ońtústiginde shańdy daýyl kútiledi.
Respýblıka boıynsha túngi jáne tańǵy ýaqytta tuman túsedi.
Búkil kezeńde batys óńirlerde, 30 sáýirde shyǵysta, 30 sáýir jáne 2 mamyrda soltústik-batysta, 2 mamyrda eldiń soltústiginde túngi ýaqytta 3°C-qa deıin úsik júrýi múmkin.
Kúndiz aýa temperatýrasy birtindep kóteriledi:
- ońtústik-batysta +17…+22°C deıin;
- soltústik-batysta +13…+25°C deıin;
- shyǵysta +25…+32°C deıin;
- ońtústik-shyǵysta +25…+32°C deıin.
Al tómendeý kútiledi:
- batysta +10…+15°C deıin;
- soltústikte +12…+18°C deıin;
- ortalyqta +15…+25°C deıin;
- ońtústikte +18…+23°C deıin.
Aıta ketelik Jetisý oblysynda Sıvers alma aǵashynyń gúldeýine arnalǵan festıval ótedi.
