Aldaǵy kúnder jaýyn-shashyndy bolady
ASTANA. KAZINFORM – «Qazgıdromet» RMK sınoptıkteri respýblıka boıynsha 9,10 jáne 11 qyrkúıek kúnderine arnalǵan aýa raıy boljamyn jarııalady.
Aldaǵy kúnderi respýblıkanyń basym bóliginiń aýa raıyn batys tsıklony men onymen baılanysty atmosferalyq fronttar aıqyndaıdy.
Jekelegen óńirlerde jańbyr men naızaǵaı bolady: soltústikte, 9–10 qyrkúıekte soltústik-batysta, 9 jáne 11 qyrkúıekte shyǵysta, 10–11 qyrkúıekte respýblıkanyń ońtústik-shyǵysy men ortalyǵynda jańbyr men burshaq jaýyp, daýyldy jel turady. Respýblıkanyń kóptegen aýmaǵynda jel kúsheıedi, soltústik-batysta, soltústikte, shyǵysta, ortalyqta túngi jáne tańǵy ýaqytta tuman túsedi. Eldiń ońtústiginde shańdy daýyl bolady.
Temperatýralyq fon boıynsha tómendeý boljanady:
-
Batysta túnde +5…+16°S, kúndiz +18…+25°S;
-
Soltústik-batysta túnde +1…+11°S, topyraq betinde 2°S úsik, kúndiz +8…+16°S, aımaqtyń ońtústiginde +23°S deıin;
-
Soltústikte túnde +5…+10°S, kúndiz +9…+15°S;
-
Ortalyqta túnde +5…+13°S, kúndiz +13…+21°S;
-
Shyǵysta túnde +3…+11°S, kúndiz +10…+20°S;
-
Ońtústikte túnde +10…+20°S, kúndiz +23…+33°S.
Eldiń ońtústik-batysy men ońtústik-shyǵysynda temperatýralyq fonda aıtarlyqtaı ózgerister kútilmeıdi.
Aıta ketelik Qazgıdromet 8 qyrkúıekte aýa raıyna baılanysty elimizdiń birqatar óńirinde daýyldy eskertý jarııalaǵan edi.