Aldaǵy kúnderi kún raıy qandaı bolady

ASTANA. KAZINFORM — «Qazgıdromet» RMK sınoptıkteri respýblıka boıynsha 25, 26 jáne 27 qyrkúıekke arnalǵan aýa raıy boljamyn jarııalady. 

Aldaǵy kúnderi atmosferalyq frontaldy bólikter elimizdiń basym bóliginde aýa raıy turaqsyz  bolady, jańbyr jaýyp, naızaǵaı oınaıdy. 26 qyrkúıekte batysta, soltústik-batysta, 27 qyrkúıekte soltústikte, soltústik-batysta qatty jańbyr, burshaq, daýyldyq jel boljanady. Respýblıka boıynsha jel kúsheıip, shyǵysta jáne ońtústik-shyǵysta túngi jáne tańǵy ýaqytty tuman túsedi.

Aýa temperatýrasy:

• Batys óńirde túnde 12–17-den 2–7 jylylyqqa deıin tómendeıdi, batys pen soltústikte 2 gradýsqa deıin úsik júrse, kúndiz 20–28-den 10–23 °S jyly bolady.

• Soltústik-batysta túnde 7–15-ten 3–11 jyly, kúndiz 23–29-dan 10–18°S jyly bolady.

• Soltústikte túnde 10–16 °S jáne 5–13 °S aralyǵynda jyly bolady, kúndiz 20–28-den 12–25 °S jyly bolady.

• Ortalyqta túnde 5–13, kúndiz 20–25 gradýs jyly bolady.

• Shyǵysta túnde 0–8-den 7–15 °S jyly bolady, soltústik pen shyǵysta 2 gradýsqa deıin úsik júredi, kúndiz 15–25-ten 20–28 gradýsqa deıin jyly bolady.

• Ońtústikte túnde 5–15, kúndiz 25–30°S-qa deıin jetedi.

• Ońtústik-shyǵysta túnde 5–13-ten 7–15 °S jyly bolsa, kúndiz 15–27-den 22–30 °S ystyq bolady.