Alaıaqtar jańa tásildi qoldana bastady

ASTANA. KAZINFORM — Sońǵy ýaqytta Uchet.kz jáne Qoldau.kz servısteriniń atyn jamylǵan alaıaqtar jalǵan SMS-habarlamalar taratyp jatyr. Bul týraly ІІM baspasóz qyzmeti habarlady. 

Osyǵan baılanysty kıberqylmysqa qarsy is-qımyl departamenti azamattardy saq bolýǵa shaqyrady.

Qaskúnemder habarlamada «shuǵyl, tez áreket etý kerek» degen sózderdi ádeıi qoldanyp, adamdardy asyqtyryp, qorqytyp jeke derekterin, logın men parolderin alýǵa tyrysady.

Negizgi maqsat — azamattardyń eseptik jazbalaryna jáne qarjylyq qarajatyna qol jetkizý.

Este saqtańyz:

resmı servıster mundaı mazmundaǵy SMS-habarlamalardy eshqashan joldamaıdy;

kúmándi habarlamalarǵa jaýap bermeńiz, ondaǵy siltemelerge ótpeńiz;

jeke derekterińizdi (JSN, logın, parol, bank kartasynyń málimetteri) SMS arqyly jibermeńiz;

kez kelgen aqparatty tek resmı saıttar men senimdi derekkózder arqyly tekserińiz.

Aıta ketelik Astanada TikTok arqyly «emdegen» alaıaq sottalǵan edi.