Alataý qoqys polıgonyndaǵy órt tolyqtaı sóndirildi

QONAEV. KAZINFORM – Almaty oblysyndaǵy qatty turystyq qaldyqtar polıgonyndaǵy órt tolyqtaı sóndirildi. Bul týraly Almaty oblysy Tótenshe jaǵdaılar departamenti habarlady.

Órtti sóndirýge Almaty oblysy Tótenshe jaǵdaılar departamenti, Almaty qalasy, Shymkent qalasy, Qaraǵandy, Jambyl, Túrkistan oblystarynyń, Abaı jáne Jetisý oblystarynyń tótenshe jaǵdaılar departamentteriniń kúshteri men quraldary, 28237, 52859 jáne 68303 áskerı bólimderi, sondaı-aq QR TJM «Qazseldenqorǵaý» MM mamandary jumyldyryldy.

Eske salaıyq, buǵan deıin Alataý qalasynyń qoqys polıgonyndaǵy iri órtke baılanysty jergilikti aýqymdaǵy tehnogendik sıpattaǵy tótenshe jaǵdaı rejımi engizildi.

Al senbi kúni polıgonyndaǵy órt oqshaýlanǵan bolatyn.