Alapat tolqyndar qýǵan qutqarýshylar
ASTANA. QazAqparat - Gavaı araldarynda ótken «Eddı» serfıng týrnıri kezinde kútpegen oqıǵa boldy. Saıysqa qatysyp, kók aıdynda óner kórsetip jatqan serferlerdiń abaısyzda sýǵa ketip qalmaýyn qadaǵalaýǵa shyqqan jaǵalaý qyzmetiniń sarbazdary gıdrotsıklge minip, olardy baqylaýǵa attanǵan bolatyn.
Biraq, olar júzip ótpek bolǵan jerden kóterilgen asaý tolqyndar kenetten aspanǵa atylyp, olardyń izinen qýa jóneldi. Sóıtip, sportshylardyń qaýipsiz júzýin qadaǵalaýǵa shyqqan qutqarýshylar alasurǵan tolqyndardan qashyp, jaǵadan bir-aq shyqty, dep jazady gismeteo.ru.
Aıta ketý kerek, serferlerdiń dástúrli jarysyn baqylaýǵa shyǵatyn bul qutqarýshylar arnaıy jattyǵýdan ótip, zor daıyndyqpen keledi. Alaıda bıyl anaý-mynaý emes, 15 metrge deıin sharpyǵan tolqyndar olardyń jumys barysyna ózgertýler engizdi. Qashý kezinde eshkim jaralanbasa da, bul sát qutqarýshylardyń záresin ushyryp, olar tek aman qalǵandaryna qýandy. Ushqysh-robot túsirgen myna beınerolıkte oqıǵanyń barysy muqııat beınelengen, dep jazady 24.kz.
