Alapat órt áli basylǵan joq - Abaı oblysynyń ákimi

SEMEI. QazAqparat - Abaı oblysynyń ákimi Nurlan Uranhaev aımaqtaǵy qazirgi ahýal boıynsha málimdeme jasady, dep habarlaıdy QazAqparat.

Óńir basshysy aldymen jalynnyń áli basyla qoımaǵanyn, dese de orman órtinen jaqyn aýmaqtaǵy aýyldarǵa qaýip joq ekenin jetkizdi.

«Birinshiden, oblys terrıtorııasyndaǵy alapat órt áli basylǵan joq. Órt sóndirýshiler arnaıy tehnıkalardy qoldanyp, tilsiz jaýmen kúndiz-túni kúresip jatyr. Jaqyn aýmaqtaǵy aýyldarǵa qaýip joq, bul bizdiń baqylaýymyzda. Jaqyn eldimekenderdiń turǵyndaryn evakýatsııaladyq, azamattarymyzǵa qajetti azyq-túlik jetkilikti.

ekinshiden, Memleket basshysynyń tapsyrmasyn oryndaý úshin qajetti sharalardy qolǵa alýdamyz. Úkimetpen birlesip, órt kezinde qaza tapqan ormanshylardyń otbasylaryna materıaldyq jaǵynan tolyq kómektesýdi qamtamasyz etemiz», - dedi Nurlan Uranhaev.