Aqy tóleı almaǵan elordalyqtar avtobýsta tegin qatynaýda

NUR-SULTAN. QazAqparat - Elorda turǵyndary qoǵamdyq kólikte tegin qatynaýda. Bul týraly Nur-Sultan qalasy ákiminiń baspasóz hatshysy Aqmaral Oljabaeva málim etti, dep habarlaıdy QazAqparat tilshisi.

«Nur-Sultan qalasynda qoǵamdyq kólikter shtattyq rejımde jumys istep jatyr», - dedi Aqmaral Oljabaeva agenttik tilshisine.

Onyń naqtylaı túsýinshe, elordada ınternet shektelgen. Osyǵan baılanysty bank qosymshasy arqyly jolaqysyn tóleı almaǵan jolaýshylar dittegen jerine tegin bara alady. Sonymen qatar jolaýshylar arnaýly jol júrý kartasy arqyly jolaqyny tóleı alady.

Buǵan deıin elordada bankterden basqa barlyq nysan shtattyq rejımde jumys istep turǵanyn habarlaǵan edik. Keshe Memleket basshysy Nur-Sultan qalasynda tótenshe jaǵdaı engizý týraly Jarlyqqa qol qoıdy.