Aqtóbede úsh qyz sýǵa batyp ketti
Búgin saǵat 16:45-te qutqarý qyzmetine Áıteke bı aýdany Araltoǵaı aýylynan 3 shaqyrym qashyqtyqtaǵy Yrǵyz ózenine 3 jasóspirim qyzdyń sýǵa batyp ketkeni týraly habarlama tústi. Olar tyıym salynǵan jerge shomylǵan. Oqıǵa ornynda kýágerler 2007 jáne 2011 jylǵy týǵan qyzdardyń denesin sýdan alyp shyqty.
«2013 jyly týǵan qyz balanyń denesin jedel qutqarý jasaǵynyń qutqarýshylary saǵat 21:32-de jaǵadan 10 metr qashyqtyqta 6 metr tereńdikten shyǵardy. Boljam boıynsha 2007, 2011 jáne 2013 jyly týǵan 3 qyzdyń ekeýi Áıteke bı aýdanynyń turǵyndary, úshinshisi Yrǵyz aýdanynan sol aýylǵa qonaqqa barǵan. Sýǵa shomylý kezinde bir qyz balanyń anasy olardyń janynda bolǵan»,-dep habarlady oblystyq TJD baspasóz qyzmeti. Aqtóbe oblystyq bilim basqarmasynyń basshysy Jaıyq Sultannyń habarlaýynsha olar ár úıdiń balalary.
Eske salsaq, bıyl Aqtóbede 8 adam sýǵa batyp ketti. Olardyń altaýy bala.
Aıta keteıik, maýsymda Aqtóbe qalasynda 2003 jáne 2004 jyly týǵan eki jigit sýǵa batyp ketti. Ekeýiniń de denesin súńgýirler 3 metr tereńdikten alyp shyqty. Aldyn ala aqparat boıynsha olar ruqsat etilmegen jerge sýǵa shomylǵan.
