Aqtóbede oqýshylar táttiden ýlandy

AQTÓBE. KAZINFORM – Aqtóbe oblysy Qobda aýdanynda oqýshylar táttiden ýlandy. Qazir 9 bala aýrýhanada jatyr.

Oqıǵa 18 aqpan kúni boldy. Bir oqýshy mektepke tátti aparyp, synyptastarymen bólip jegen. Keıin onyń keri áseri bolǵan.

- Barlyǵy 23 bala aýrýhanaǵa tústi. Sózderine qaraǵanda bir bala belgisiz bir táttini mektepke aparyp jeıdi. Ol táttini 7 bala jegen. Ózge balalarda ker áserin berdi. Kózderi jasaýrady, denesi qyshyp, mazasyzdandy. Dárigerler tekserip, barlyǵy 7 balanyń asqazanyn shaıǵan. Sol kúni 2 balany ata-anasy úıine alyp ketedi. Búgin aýdanǵa bilikti dárigerler bardy. Olar balalardy taǵy bir qarap shyqty. Barlyǵy 9 balany qaldyrdy, erteń úıine shyǵarylady,- dedi Aqtóbe oblystyq densaýlyq saqtaý basqarmasynyń baspasóz qyzmeti.

Aıta keteıik, balalar jegen tátti saraptamaǵa jiberildi. Ázirge keri áser naqty bolǵany belgisiz. Al Qobdadaǵy mektep dırektory balalar bilim ordasynan emes, dúkennen satyp alǵan táttige ýlanǵanyn aıtty.

Eske salsaq, Aqtóbe oblysy Muǵaljar aýdany Qandyaǵash qalasyndaǵy balabaqshada tańǵy astan qońyz shyqty. Tekserýden soń 19 keliden asatyn suly úrpegi joıyldy. Sonymen birge zańdy tulǵaǵa aıyppul salyndy.