Aqtóbede oqýshy erigen qar sýyna batyp ketti
AQTÓBE. KAZINFORM – Aqtóbe oblysy Áıteke bı aýdany Belqopa aýylynda 10 jastaǵy bala sýǵa batyp ketti.
Oqıǵa búgin bolǵan.
Áıteke bı aýdanynyń ákimi Daýletııar Toǵyzbaevtyń aıtýynsha, 2014 jyly týǵan bala Belqopa aýylynyń janynan aǵyp jatqan erigen qar sýyna túsip ketken. Ol balalarmen sol mańda oınap júrgen. Oqýshynyń denesi sýdan shyǵaryldy.
Aıtyp óteıik, kóktemgi sý tasqyny bastalǵan tusta Aqtóbeniń Baıǵanın aýdany Ebeıti aýylynda 4 jasar bala mert boldy.
Qazirgi kezde aýdan ákimdikteri ata-analarǵa balalardyń qaýipsizdigin qamtamasyz etý jóninde túsindirme jumystaryn júrgizip jatyr.
