Aqtóbede kásipkerlerden 19 ótinish tústi
AQTÓBE. QazAqparat – 5-9 qańtar aralyǵynda Call-ortalyqtarǵa kásipkerlerden 19 ótinish tústi, dep habarlaıdy QazAqparat tilshisi.
Aqtóbe oblystyń Kásipkerler palatasy baspasóz qyzmetiniń málimetinshe, 19 ótinishtiń 9-y fors-major jaǵdaıyna baılanysty.
«1 suraq áleýmettik taýar baǵasynyń kóterilýine qatysty boldy. Taǵy 1 suraq ınternet bolmaı, kredıt tóleýge qınalǵan kásipkerden tústi. 2 suraq – jumys ýaqytyna baılanysty. Sebebi oblys ákimdigi ǵımaratyna jaqyn ornalasqan jerdegi bıznes nysandary jumys istemeıdi. Onda bári baqylaýda tur. Sonymen birge jeke tulǵalardan da túrli suraqtar túsip jatyr. Oblystyq kásipkerler palatasy shtattyq rejımde jumys istep tur. Call-ortalyq nómirleri: 1432 jáne +7 (7132) 744-607, 87017845882, 87025678011, 87017533093, 87777601142, 87024017668», - dep habarlady oblystyq Kásipkerler palatasynyń baspasóz qyzmetinen.
