Aqtóbede eki adam sýǵa batyp ketti

AQTÓBE. KAZINFORM - Aqtóbe qalasyndaǵy Qarǵaly ózenine eki adam batyp ketti. Onyń biri medıtsınalyq ýnıversıtettiń stýdenti.

Aqtóbe qalasyndaǵy ózenge eki adamnyń sýǵa batyp ketkeni jaıly aqparat 112 qutqarý qyzmetine túsken. Oblystyq TJD baspasóz qyzmetiniń habarlaýynsha, 2003 jylǵy aqtóbelik tyıym salynǵan aýmaqqa shomalǵan. Onyń denesin qutqarýshylar jaǵaǵa alyp shyqty. Aldyn ala málimet boıynsha qaıtys bolǵan jigit M.Ospanov atyndaǵy Batys Qazaqstan medıtsınalyq ýnıversıtettiń stýdenti.

«Ekinshi adamdy sýdan izdestirý jumystary júrgizilip jatyr», - dep habarlady oblystyq TJD baspasóz qyzmeti.

Olar Krasnaıa polıana baý-baqsha ujymy aýmaǵyndaǵy ózenge shomylǵan.

Aıta keteıik, keshe Aqtóbe qalasynda 17 jastaǵy bozbala sýǵa batyp ketti. Ol - bıyl ǵana mektep bitirgen túlek. 

Jalpy bıyl sýǵa shomylý maýsymy bastalǵaly beri Aqtóbe qalasynda 4 adam sýǵa batyp ketti.