Aqtóbede 2 mln teńge aqsha bopsalaǵan kúdikti top ustaldy
AQTÓBE. KAZINFORM – Aqtóbede 2 mln teńge aqsha bopsalaǵan 15 adam polıtsııa bólimine jetkizildi.
Aqtóbe oblystyq PD Uıymdasqan qylmysqa qarsy kúres basqarmasynyń qyzmetkerleri Ulttyq qaýipsizdik komıteti departamentimen birlesip, kúdiktilerdi ustady. Buryn sottalǵan kúdiktiler Aqtóbe turǵynyn qorqytyp, bopsalaǵan.
— Tergep-tekserý barysynda kúdiktiler kólikti tartyp alǵandaryn, ony qaıtarý úshin 2 mln teńge aqsha talap etetinin aıtqan. Kúdiktiler jábirlenýshiden aqsha alyp jatqan kezinde ustaldy. Іshki ister organdaryna barlyǵy 15 adam jetkizildi, olardyń ekeýi ýaqytsha ustaý ızolıatoryna qamaldy. Tintý barysynda kúdiktilerden gaz tapanshasy, birneshe patron, jınalmaly pyshaq jáne aqsha tárkilendi. Qazirgi ýaqytta jedel-tergeý is-sharalary júrgizilip jatyr, - dep habarlady Aqtóbe oblystyq PD baspasóz qyzmeti.
Eske salsaq, bıyl aqpanda Aqtóbede bopsalaýmen aınalysqan kolledj stýdenti ustaldy. Tintý kezinde odan tapansha tabyldy.
