Aqtóbe oblysynda mıgranttar ustaldy
ASTANA. KAZINFORM – 23 qarashada UQK Shekara qyzmeti Aqtóbe oblysynyń «Jaısań» avtokólik ótkizý pýnktinde zańsyz kóshi-qon áreketin toqtatty.
UQK baspasóz qyzmeti málimetinshe, júk kóligin tekserý barysynda shekaralyq jasaq qurylys materıaldary arasynda 10 sheteldik azamatty anyqtady.
Qylmystyq kodekstiń 24 jáne 394-baptary boıynsha sotqa deıingi tergeý bastaldy.
Qylmystyq-protsestik kodekstiń 201-babynyń 1-bóligine sáıkes ózge aqparat jarııa etýge jatpaıdy.
UQK Shekara qyzmeti osyndaı quqyq buzýshylyqtar qylmystyq jaýaptylyqqa ákep soqtyratynyn atap ótip, azamattardy shekara arqyly zańsyz ótý shemalaryna qatyspaýǵa shaqyrdy.
Aıta keteıik, Astanada zańsyz kóshi-qon uıymdastyrǵandar sottaldy.
Qazaqstan men Armenııa zańsyz kóshi-qonmen birlese kúresedi.