Aqtóbe oblysy ákimdigi búgin qashyqtan jumys isteıdi
AQTÓBE. KAZINFORM — Qazirgi kezde polıtsııa qyzmetkerleri ákimdik ǵımaratyn qorshaýǵa alǵan. Oqıǵa ornynda áli de órt sóndirýshiler júr.
Aqtóbe qalasynyń Ábilqaıyr han dańǵyly boıynda ornalasqan ákimdik ǵımaratyna eshkimdi kirgizbeıdi. Oqıǵa ornynda qazir krımınalıster, tótenshe jaǵdaılar qyzmetkerleri jumys istep jatyr. Sonymen birge tazalyqshylar, elektrmen qamtıtyn mekemeniń avarııalyq qyzmeti de keldi.
Aqtóbe oblysy ákiminiń baspasóz qyzmetiniń habarlaýynsha, búgin jumys onlaın bolady. Aqtóbe óńirlik kommýnıkatsııalar qyzmetindegi baspasóz máslıhaty da keıinge shegerildi. Ákimdikte ornalasqan Ahýaldyq ortalyq ta jumysyn ýaqytsha toqtatty.
— Ǵımaratqa eshkimdi kirgizip jatqan joq. Іshte komıssııa bar. Tekseris bolyp jatyr, — dedi vzvod komandıri Azamat Sembaev.
Eske salsaq, keshe keshkilik Aqtóbe oblystyq ákimdigi ǵımaratynan órt shyqty. Órt aýdany 300 sharshy metrdi qurady. Eshkim zardap shekken joq.
Oqıǵa ornynda jedel shtab quryldy. Oqıǵa ornynda oblys ákimi Ashat Shaharov júrdi. Qazirgi kezde qylmystyq is qozǵalyp, tergeý júrip jatyr.