Aqtaýda jylý maýsymy aıaqtaldy
AQTAÝ. QazAqparat - Búgin Aqtaý qalasynda jylý maýsymy aıaqtaldy. Barlyq turǵyn úıler ortalyq jylý júıesinen ajyratyldy. Bul týraly óńirlik komýnıkatsııalar alańynda ótken brıfıngte qalalyq turǵyn-úı sharýashylyq kommýnaldyq bóliminiń basshysy Berik Іzǵalıev aıtty, dep habarlaıdy QazAqparat tilshisi.
Onyń aıtýynsha, tek qana balabaqshalar, mektepter, densaýlyq saqtaý uıymdary, sport uıymdary sııaqty áleýmettik nysandar ázirshe óshirilmeıdi.
Sondaı-aq, jylý berý toqtaǵanymen, ystyq sý turǵyn úılerge orama keptirgish júıesi arqyly beriledi.
Ótken qalalyq shtabtyń otyrysynda sheshim qabyldanyp, «MAEK -Qazatomónerkásip» JShS qalanyń jylý qubyrlaryna temperatýralyq synama júrgizdi.
