Aqtaýda jol qaýipsizdigi dronmen baqylana bastady
AQTAÝ. QazAqparat - Mańǵystaýda foto jáne beınejazý qondyrǵylarymen jabdyqtalǵan drondar jumys isteı bastady, dep habarlaıdy QazAqparat tilshisi.
Qurylǵylar aımaqtyq jáne respýblıkalyq mańyzy bar tas joldardy jáne Aqtaý kóshelerin baqylaıdy
MO ІІD baspasóz qyzmetiniń habarlaýynsha, ushatyn apparattar jyldamdyqty asyrǵandardy, qarsy baǵytqa shyǵyp ketkenderdi jáne basqa da jol erejesin buzǵandardy tirkeıdi jáne aqparattardy derekter óńdeý ortalyǵyna engizedi. Keıin poshtamen júrgizýshige aıyppul týraly habarlama jiberiledi. Negizgi maqsat - jol erejesin buzǵan júrgizýshilerdiń sanyn azaıtý.
2 shaqyrym bıiktikten 50 shaqyrymdaı aýmaqty qamtıtyn dron 2,5 saǵatqa deıin úzdiksiz usha alady. Ázirge sany ekeý. Qurylǵynyń jyldamdyǵy saǵatyna 110 shaqyrym.
Qurylǵylar qazir Aqtaý-Jańaózen, Aqshuqyr-Saıyn-Shapaǵat jáne jol-kólik apattary jıi kezdesetin ýchaskelerde qoldanylýda.
Polıtseıler 10 kún ishinde 200-den astam júrgizýshini anyqtap, olarǵa 1,5 mln teńge aıyppul salǵan.
Foto: northbaybusinessjournal.com
