Aqtaýda jańa sport saraıy salynady
AQTAÝ. QazAqparat - Aqtaýda kópfýnktsıonaldy sport saraıynyń irgetasy qalandy, dep habarlaıdy QazAqparat tilshisi.
Jańa sport kesheni 17-shi shaǵyn aýdannan boı kóteredi. Sport saraıynyń irgetasyn qalaý rásimine Mańǵystaý oblysynyń ákimi Eraly Toǵjanov, «NKOK» kompanııasynyń basqarýshy dırektory Brýno Jarden jáne Olımpıada chempıony Jaqsylyq Úshkempirov qatysty.
Cport saraıynyń qurylysy jobaǵa sáıkes ústimizdegi jyly bastalady. Keshen 3 qabattan turady jáne onyń ishinde túrli sport túrlerine arnalǵan kórermender zaly, taekvondo, dzıýdo jáne aýyr atletıka jattyǵýlaryna arnalǵan zal, úlken basseın, dene shynyqtyrý men saýyqtyrý sharalaryna, horeografııa men gımnastıkaǵa arnalǵan bólmeler ornalasqady. Sonymen qatar, shaǵyn fýtbol, basketbol, voleıbol, tennıs jáne jeńil atletıkaǵa arnalǵan kóp qyzmetti ashyq alańdar da qarastyrylǵan.
«Birliktiń arqasynda táýelsizdigimiz nyǵaıyp, elimizdiń aty álemge tanylyp jatyr», - dedi saltanatty rásimde sóz alǵan oblys ákimi Eraly Toǵjanov.
Jańa sport ortalyǵynda 1500 oryndyq kóp qyzmetti zal ornalasatyn bolady.
