Aqtaýda sýǵa batyp bara jatqan áıel qutqaryldy

AQTAÝ. QazAqparat - Aqtaýda sýǵa batyp bara jatqan áıeldi súńgýir 8 metr bıikten sekirip qutqardy, dep habarlaıdy QazAqparat tilshisi.

Oqıǵa 29 qańtarda kúndizgi ýaqytta oryn alǵan.

«29 qańtar saǵat 15:50-de Mańǵystaý oblysy Tótenshe jaǵdaılar departamentiniń 112 telefonyna «Samal» shaǵyn aýdanynda Kaspıı teńizine adamnyń batyp bara jatqany týraly habarlama tústi. Qutqarýshylar oqıǵa ornyna jedel jetip, áıel adamdy qutqardy» dep málim etti Mańǵystaý oblystyq Tótenshe jaǵdaılar departamentiniń baspasóz qyzmeti.

Qutqarylǵan áıel Apattar medıtsına ortalyǵynyń qyzmetkerlerine tapsyrylǵan. Oǵan shuǵyl medıtsınalyq kómek kórsetilgen.

Qutqarý operatsııasyna tórt qutqarýshy qatysqan.