Aqtaýda sheteldik dárigerler 3 balaǵa kúrdeli ota jasady
AQTAÝ. KAZINFORM — Oblysqa Qytaı, Mońǵolııa, Reseı, Ázerbaıjan, Túrkııa elderinen bilikti hırýrgtar kelip, naýqastarǵa kúrdeli otalar jasap jatyr. Dárigerler «Kaspıı mańy elderi endohırýrgteriniń II pánaralyq kongresine» jınalǵan.
Sonyń aıasynda mamandar hırýrgııa salasy boıynsha sheberlik sabaqtaryn ótkizip jatyr. Alǵashqy sheberlik sabaǵyn Reseı Federatsııasynyń medıtsına ǵylymdarynyń doktory, S. ıA. Doletskıı atyndaǵy balalar hırýrgııasy kafedrasynyń meńgerýshisi ıÝrıı Sokolov ótkizdi. Onyń jetekshiligimen «Keýdearalyq ganglıonevroma», «Oń jaq ókpeniń kıstasy» jáne «Baýyr jáne ishek shajyrqaıyndaǵy ehınokokk kıstasy» dıagnozdary qoıylǵan 3 balaǵa kúrdeli laparoskopııalyq jáne torakoskopııalyq otalar jasaldy.
— Otalar sátti ótti. Balalardyń jaǵdaıy qalypty, narkozdan oıanyp jatyr, — deıdi Mańǵystaý oblystyq balalar aýrýhanasynyń dırektory Gúljan Ermekbaeva.
Balalarǵa jasalǵan otalardy mańǵystaýlyq dárigerlermen qosa, Astana, Aqtóbe, Semeı, Óskemen qalalarynan kelgen hırýgter onlaın translıatsııa arqyly kórdi.
— Bul sheberlik saǵaty — endohırýrgııa salasyndaǵy zamanaýı ádis-tásilder men tehnologııalardy meńgerýge, tájirıbe almasýǵa, sondaı-aq Kaspıı mańy elderi men túrkitildes memleketter arasyndaǵy medıtsınalyq yntymaqtastyqty odan ári damytýǵa arnalǵan, — deıdi Mańǵystaý oblystyq densaýlyq saqtaý basqarmasynyń shtattan tys bas hırýrgi Talǵat Muqantaev.
Sheteldik hırýrgter aldaǵy kúnderi gınekologııa, ýrologııa jáne barıatrııa salalary boıynsha otalar jasaıdy.
Buǵan deıin Mańǵystaýda birneshe aýyldy jaılaǵan qaraqońyzdardyń karantındik emes ekenin jazǵan bolatynbyz.