Aqtaýda Pavlodar oblysynyń mádenıet kúnderi ótedi
PAVLODAR. QazAqparat - 3 maýsymda, sársenbi kúni, Aqtaý qalasynda Pavlodar oblysynyń mádenıet kúnderi ashylady, dep habarlady ákimdiktiń baspasóz qyzmeti.
Pavlodarlyqtar aqtaýlyqtarǵa úlen shyǵarmashylyq baǵdarlama ázirledi.
Mádenıet kúnderiniń ashylǵan kúni J.Aımaýytov atyndaǵy Qazaq mýzykalyq-drama teatrynyń ártisteri A.Tsagarelıdiń «Hanýma» mýzykalyq komedııasyn usynady.
Sol kúni G.N.Potanın atyndaǵy Pavlodar oblystyq tarıhı-ólketaný mýzeıiniń qorynan «Pavlodarlyq Ertis óńiri tarıh tolqynynda» kórmesi ashylady, onda ólkeniń ejelgi tarıhı beınelengen. Ekspozıtsııadan kelýshiler sırek arheologııalyq jáne paleontologııalyq oljalardy kóredi, pavlodarlyq Ertis boıynyń tarıhymen jáne etnografııasymen tanysady.
Aqtaýda «Pavlodar: keshe jáne búgin» atty aýqymdy fotokórme ashylmaq.
Sol kúni keshke Isa Baızaqov atyndaǵy Pavlodar oblystyq fılarmanııasy ártisteriniń kontserti ótedi.
Ekinshi kúnniń baǵdarlamasynda G.Eshtanaevtyń, R.Ybyraevanyń «Ábilmansur, Sabalaq, Abylaıhan» tarıhı dramasyn kórsetý josparlanǵan, bul qoıylym Qazaq handyǵynyń 550 jyldyǵyna arnalady.
Mádenıet kúnderi Pavlodar oblysy shyǵarmashylyq ujymdarynyń gala-kontsertimen qorytyndyladanady, oǵan QR eńbek sińirgen qaıratkeri Bolat Raqymjanovtyń sımfonııalyq orkestri, QR mádenıet qaıratkeri Vıktor Sheıkınniń djaz orkestri, «Nur» horeografııalyq ansambli, «Retro» jáne «Vivo» vokaldik ansamblderi qatysady.
Kontsertke Qazaqstan Respýblıkasynyń eńbek sińirgen ártısi Shahımardan Ábilev qatyspaq.
