Aqtaýda erekshe kóshe shamdary ornatylmaq
AQTAÝ. QazAqparat - Aqtaýdan áýejaıǵa baratyn ortalyq jolǵa erekshe bezendirilgen baǵanalar ornatylmaq, dep habarlaıdy QazAqparat.
Qala ákimi Ǵalymjan Nııazovtyń aıtýynsha, ornatylatyn jańa shamdar keshke qaraı ár túrli túske ózgeredi.
«Mańǵystaýǵa keletin qonaqtar men týrıster osy jolmen ótedi. Qaladan syrtqa shyǵatyndar da osy joldan ketedi. Tek jaryq shamdar ǵana emes, joldyń boıyndaǵy aınalmany da bezendirip, ózgertý kerek. Naqty usynysty engizińizder», - dedi oblys ákimi Eraly Toǵjanov.
Aımaq basshysy qala ákimine jańa jobalarǵa bilikti dızaınerlerdi qatystyryp, daıyndap ákelýge 1 apta ýaqyt berdi.
Sondaı-aq, qala ishindegi 18,5 shaqyrymdy quraıtyn jolǵa kún sáýleleri arqyly jumys jasaıtyn jaryqtandyrýdyń jańa úlgisin ornatylady. Negizgi áriptes Qytaı kompanııasy. Zamanaýı jaryqdıodty shamdar energııany 70%-ǵa únemdeıdi. Tańerteń avtomatty túrde óship, kún batqanda ózi qosylady. Joba memlekettik-jekeshelik áriptestik aıasynda iske asady.
Aıta keteıik, Aqtaý-áýejaı baǵytyndaǵy joldyń uzyndyǵy 20 shaqyrym. Oǵan 711 baǵana qoıylmaq.
