Aqtaýda boryshkerlerden 280 mıllıon teńge óndirildi
AQTAÝ. KAZINFORM — Aqtaý qalasy prokýratýrasynyń bastamasymen boryshkerlerden 280 mıllıon teńgeden astam qarajat óndirildi. Bul shara alımentti ýaqtyly óndirý jáne memleket paıdasyna qarajatty qaıtarý máselesine erekshe nazar aýdarýdyń nátıjesinde júzege asyryldy.
2025 jyly prokýratýra organdarynyń belsendi áreketteri arqyly alıment alýshylardyń paıdasyna 174 mıllıon teńgeden astam qarajat óndirilgen. Boryshkerlerdiń qaryzdaryn óteý maqsatynda bir páter jáne tórt avtokólik quraly tárkilendi.
— Boryshkerlerden tárkilengen 4 avtokóliktiń ekeýi saýda-sattyq arqyly satylyp, bereshekteri óteldi. Qalǵan eki kólik alımentti óndirip alýshylardyń atyna jazyldy. Boryshkerden tárkilengen páter de satylyp, qaryzy óteldi. Kiristerin jasyryp, ata-analyq mindetterin oryndaýdan jaltarǵan 52 boryshker ákimshilik jaýaptylyqqa tartylyp, 19 boryshkerge qatysty qylmystyq is qozǵaldy. Onyń toǵyzy boıynsha úkim shyqty, — deıdi Aqtaý qalasy prokýratýrasynyń sotta memleket múddelerin bildirý bóliminiń bastyǵy Oljas Aıtýar.
Sonymen qatar, prokýrorlyq qadaǵalaý aktileriniń negizinde memleket kirisine ákimshilik aıyppuldar, memlekettik bajdar jáne salyqtyq bereshekterdi qosqanda -108 mıllıon teńgeden astam qarajat óndirilgen.
Buǵan deıin, Qazaqstanda boryshkerlerdi «Tsıfrlyq baqylaý» arqyly izdeý iske qosylǵan bolatyn.