Aqtaýda «Báıterek» saýda ortalyǵynyń janynan órt shyqty
AQTAÝ. QazAqparat - Búgin túnde Aqtaýda «Báıterek» saýda ortalyǵy janynan órt shyqty, dep habarlaıdy QazAqparat.
Qalalyq TJB-nyń málimetinshe, «Báıterek» saýda ortalyǵy janynda jalpy aýmaǵy 3 sharshy metr jerdi jalyn sharpyǵan.
«Saǵat keshki 21.45-te shaqyrtý aldyq. Dereý oqıǵa ornyna jettik. 3 mınýttyń ishinde órt sóndirildi. Oqys oqıǵadan, eshkim zardap shekpedi», -dep málim etti qaladaǵy №1 arnaıy órt sóndirý bóliminiń bas ınjeneri Abakar Abdýraxmanov.
Kýágerlerdiń aıtýynsha, qoqys jáshikteri jınalǵan oryn qyzyl jalynǵa oranǵan. Jalynnyń shyǵýyna qoqys jáshikteriniń tutanýy sebep bolýy múmkin. Óıtkeni, jáshikterdiń mańynda qoqystar shashylyp jatyr.
Qazir oqıǵanyń qalaı bolǵany tekserilýde. 
