Aqtaýda 16 dárigerdiń ýlanýyna qatysty tergeý bastaldy
AQTAÝ.QazAqparat - Aqtaýda aýyzasharda astan ýlanǵan medıtsına qyzmetkerlerine qatysty tergeý bastaldy. Bul týraly Mańǵystaý oblystyq sanıtarlyq-epıdemıologııalyq baqylaý basqarmasynan málim etti, dep habarlaıdy QazAqparat tilshisi.
«Sanıtarlyq-epıdemıologııalyq baqylaý basqarmasyna aýrýdyń toptyq jaǵdaıy, jiti ishek ınfektsııasy, gastroenterıt týraly shuǵyl habarlama kelip tústi. Qazirgi ýaqytta basqarma mamandary epıdemıologııalyq tergeý júrgizip, aýrýdyń mán-jaıyn anyqtap jatyr» delingen basqarma málimetinde.
Ázirshe aýyzashar berilgen meıramhananyń aty belgisiz. Mamandar tergeý júrgizilgennen keıin jarııalaıtynyn aıtyp otyr.
Aıta ketsek, Aqtaýda 16 dáriger ýlaný belgilerimen aýrýhanaǵa júgingen edi.
