Aqtaýda 11 turǵyn úı zańsyz salynǵan

AQTAÝ. QazAqparat - Aqtaýda 11 turǵyn úı zańsyz salynǵan. Barlyǵy da qurylysy aıaqtalǵan nysandar, dep habarlaıdy QazAqparat tilshisi.

Tekserý kezinde zańsyz salynǵan turǵyn úılerden bólek, úleskerlerdiń aqshasyn zańsyz alǵan 25 derek anyqtalǵan. Qazir atalǵan faktiler boıynsha prokýratýra kináli tulǵalardy anyqtap, jaýapqa tartý máselesin qarastyryp jatyr.

«Osy faktiler boıynsha bizder - ýákiletti organdar qurylys mekemelerine qatysty shara qabyldaý týraly prokýrorlyq qadaǵalaý aktisin engizdik. Sonymen qatar qala ákimdigimen kadastrlyq quny 400 mln. quraıtyn jalpy alańy 20 gektar 28 jer ýchaskesin zańsyz berilýdiń aldyn aldyq»,- dedi Mańǵystaý oblysy prokýratýrasy Qoǵamdyq múddelerdi qorǵaý basqarmasynyń basshysy Mergen Meńdiǵalıev.