AQSh-tyń burynǵy birinshi hanymy dúnıeden ótti

Qurama Shtattardyń burynǵy birinshi hanymy Rozalın Karter 96 jasynda qaıtys boldy. Kazinform bul týraly TASS aqparat agenttigine silteme jasap habarlaıdy. 

Karterler ortalyǵynyń saıtynda jarııalanǵan málimdemede https://www.cartercenter.org/ AQSh-ta 1977-1981 jyldar aralyǵynda joǵary memlekettik laýazymdy atqarǵan 99 jastaǵy Djımmı Karterdiń zaıyby jeksenbi kúni óz úıinde qaıtys bolǵany jazylǵan.

«Rozalın jetken jetistikterimniń bárinde teń dárejeli seriktesim boldy. Ol maǵan barynsha qoldaý kórsetti. Rozalın tiri bolǵan kezde, men ózimdi áldebireý súıetinin jáne qoldaıtynyn árqashan bilip júrdim», - dep atap ótti D.Karter.

«Karter ortalyǵynyń» habarlaýynsha, Rozalınge dementsııa dıagnozy qoıylǵan.

Aqpan aıynda «Karter ortalyǵy» Djımmı Karter emhanada emin jalǵastyrmaı, úıde hospıs kútimin alýǵa jáne ómiriniń qalǵan bóligin otbasymen ótkizý týraly sheshim qabyldaǵanyn jetkizdi. 2015 jyly onyń baýyry men bas mıyna taralǵan qaterli isik – melanoma dıagnozy qoıylǵan.

AVS telekompanııasynyń atap ótýinshe, Karterler – tarıhta eń uzaq ómir súrgen prezıdenttik jup. Olar 1946 jyly úılengen.