AQSh-ta bıtkoınderdiń strategııalyq rezervi quryldy

ASTANA.KAZINFORM — AQSh prezıdenti Donald Tramp bıtkoınderdiń strategııalyq rezervin qurý týraly Jarlyqqa qol qoıdy, dep habarlaıdy Yahoo Finance.

Rezerv aktıvterdi tárkileý týraly qylmystyq nemese azamattyq is júrgizý sheńberinde tárkilengen federaldy úkimetke tıesili bıtkoındermen kapıtaldandyrylady, dep habarlady Aq úıdegi jasandy ıntellekt jáne krıptovalıýta bóliminiń basshysy Devıd Saks H platformasynda.

Buǵan deıin Tramp osy rezervke qosýdy kútken bes sandyq aktıvtiń ataýlaryn jarııalap, olardyń árqaısysynyń naryqtyq qunyn kúrt kóterdi: Bitcoin, Ether, XRP, Solana jáne Cardano.

Alaıda, mundaı rezervtiń qalaı jumys isteıtini nemese salyq tóleýshilerge qandaı paıda ákeletini belgisiz.

Saks sonymen qatar bıtkoınderden basqa tańbalaýyshtardan turatyn «AQSh-tyń tsıfrlyq aktıvteriniń qory» qurylatynyn habarlady.

Aıta keteıik, AQSh prezıdenti Donald Tramp eldegi alǵashqy tsıfrlyq aktıvterdiń memlekettik rezervin qurý týraly jarlyqqa qol qoıǵan edi.