AQSh-ta atys saldarynan segiz bala qaza tapty
ASTANA. KAZINFORM — AQSh-tyń Lýızıana shtatyndaǵy Shrıvport qalasynda bolǵan atys saldarynan segiz bala qaza taýyp, taǵy ekeýi jaraqat aldy, dep habarlaıdy NBC News.
Polıtsııa málimetinshe, qaıǵyly oqıǵa jeksenbi kúni bolǵan. Quqyq qorǵaý organdary janjal týraly habar túskennen keıin oqıǵa ornyna jetken. Atys úsh úıdiń aýmaǵynda bolǵan.
— Qazirgi ýaqytta biz ótken túni bolǵan turmystyq janjal kezinde keminde 10 adam oq jaraqatyn alǵanyn bilemiz. Olardyń segizi qaza tapty. Qaza bolǵandardyń jasy 1 jastan 14 jasqa deıin, — dedi Shrıvport polıtsııasynyń basshysy Ýeın Smıt.
Kúdikti oqıǵa ornynan keıin kólik urlap qashýǵa tyrysqan, alaıda polıtsııa qýǵyn barysynda qaskóıdi atyp óltirilgen.
— Ol qaza tapty. Al polıtsııa qyzmetkerleriniń qarý qoldanýyna qatysty tergeýdi Lýızıana shtatynyń polıtsııasy júrgizedi, — dedi Smıt.
Aıta keteıik, buǵan deıin Túrkııada mektepte bolǵan atys kezinde tórt adam qaza taýyp, ondaǵan adam jaralanǵany habarlanǵan edi.
