AQSh-ta áskerı ushaq turǵyn úıge qulady
ASTANA. 7 sáýir. QazAqparat - AQSh-ta Vırdjınııa shtatynyń Vırdjınııa-Bıch qalasynda AQSh-tyń Áskerı-teńiz kúshteriniń kópmaqsatty ushqyr ushaǵy apatqa ushyrady, dep habarlady CNN telearnasy.
AQSh Áskerı-teńiz kúshteriniń ókilderi habarlaǵandaı, Oshean áskerı bazasynan qaıtyp kele jatqan McDonnell Douglas FA-18 Hornet ushaǵy kóppáterli turǵyn úıge qulady. Qazirgi ýaqytta bolýy múmkin qurbandardyń sany belgisiz. Oqıǵa ornynda qutqarý jumystary júrgizilýde, dep habarlady RBK.
Oqıǵaǵa kýá bolǵandar ushaq qulaǵan aýdanda qıraýlar bolǵandyǵyn aıtady. Olardyń sózderine qaraǵanda, birneshe úı janyp ketti.
NBC telearnasynyń bergen málimetine sáıkes, eki ushqysh katapýltalanyp úlgerdi. Qazirgi kezde olar aýrýhanada jatyr. Olardyń ómirine qaýip joq.
