AQSh soty Donald Trampqa qatysty sheshim shyǵardy
AQSh. KAZINFORM - AQSh-tyń burynǵy prezıdenti Donald Trampqa qatysty tórt qylmystyq is qozǵaldy, sot sheshimi onyń 2020 jylǵy saılaýdy buzý áreketine qatysty shyǵaryldy, dep jazady VVS.
Sot Donald Tramptyń bılikti saqtap qalý áreketterine qatysqany úshin jaýapqa tartylýda ımmýnıteti joq dep sheshti.
«Osy qylmystyq is aıasynda burynǵy prezıdent Tramp qylmystyq is boıynsha aıyptalatyn kez kelgen basqa tulǵa sııaqty barlyq qorǵanys múmkindikteri bar azamat Trampqa aınaldy. Biraq ony prezıdent retinde qorǵaıtyn kez kelgen ımmýnıtet endi ony bul aıyptaýlardan qorǵaı almaıdy», - delingen sot sheshiminde.
Esterińizge sala keteıik, 2021 jyldyń 6 qańtarynda Kapıtolıı mańynda tártipsizdik bolyp, osy úshin Tramptyń jaqtastary aıyptalǵan bolatyn. Tramptyń ózi bul is boıynsha kinásin moıyndaǵan joq.
Donald Trampqa «alaıaqtyq jáne aldaý arqyly federaldy úkimettiń fýnktsııalaryna zııan keltirý, kedergi keltirý jáne álsiretý úshin qastandyq jasaý» degen aıyp taǵylǵan.
Donald Tramp 2020 jylǵy saılaýda demokratııalyq qarsylasy Djo Baıdennen jeńildi. Qazirgi ýaqytta ol Respýblıkalyq partııa atynan prezıdenttikke úmitker.
