Aqpannyń alǵashqy kúnderi aýa raıy qandaı bolady

ASTANA. KAZINFORM – Aldaǵy úsh táýlikte Qazaqstan aýmaǵynyń basym bóligi tsıklondyq qyzmettiń yqpalynda bolady, soǵan baılanysty jaýyn-shashyndy bolady. 

Aldaǵy kúnderi jaýyn-shashyn (jańbyr, qar), kóktaıǵaq, tuman, burqasynmen birge ekpindi jel boljanady.

Sonymen qatar ońtústik-batys baǵyttaǵy jyly aýa massalarynyń kelýi áserinen kúndiz aýa temperatýrasy soltústikte 0–7°S aıazǵa deıin, batysta, soltústik-batysta jáne ortalyqta 5°S aıazdan 2°S jylyǵa deıin, ońtústikte 8–17°S jylyǵa deıin, ońtústik-shyǵysta 5–15°S jylyǵa deıin kóteriledi.

4 aqpannan bastap eldiń batys óńirlerinde aýa raıyn skandınavııalyq antıtsıklon qalyptastyrady, onyń áserinen túnde aýa temperatýrasy 20–28°S aıazǵa deıin tómendeıdi. 

Aıta ketelik aqpan aıynda aýa raıy qandaı bolatyny týraly jazǵan edik.