Ulttyq bank tóraǵasynyń birinshi orynbasary aýysty

ASTANA. KAZINFORM – Erulan Jamaýbaev QR Ulttyq banki tóraǵasynyń birinshi orynbasary boldy, dep habarlaıdy Aqordanyń baspasóz qyzmeti.

— Memleket basshysynyń ókimimen Erulan Kenjebekuly Jamaýbaev Qazaqstan Respýblıkasynyń Ulttyq banki tóraǵasynyń birinshi orynbasary bolyp taǵaıyndaldy, ol burynǵy atqarǵan laýazymynan bosatyldy, — delingen habarlamada.

Erulan Kenjebekuly Jamaýbaev 1974 jylǵy 25 naýryzda Almaty oblysynda dúnıege kelgen.

1995 jyly Qazaq memlekettik basqarý akademııasyn «Qarjy jáne kredıt» mamandyǵy boıynsha , 2009 jyly Qazaq ekonomıkalyq ýnıversıtetin «Іskerlik ákimshilendirý magıstri» mamandyǵy boıynsha támamdaǵan.

1996-1998 jyldary – Qazaq memlekettik basqarý akademııasynyń oqytýshysy.

1998-2006 jyldary – Qazaqstan Respýblıkasy Ulttyq banki Zertteýler jáne statıstıka departamenti jetekshi sarapshysy, bas sarapshysy, bas maman-sarapshysy, basqarma bastyǵy, dırektor orynbasary.

2006-2014 jyldary – Qazaqstan Respýblıkasy Ulttyq bankiniń Úılestirý departamentiniń dırektory.

2014-2015 jyldary – «Qazaqstannyń turǵyn úı qurylys banki» AQ-nyń basqarýshy dırektory.

2015 jylǵy shilde men qarasha aralyǵynda – Qazaqstan Respýblıkasynyń Prezıdenti Ákimshiliginiń Áleýmettik-ekonomıkalyq monıtorıng bólimi meńgerýshisiniń orynbasary.

2015 jylǵy qarasha men 2018 jylǵy qarasha aralyǵynda - Qazaqstan Respýblıkasynyń Prezıdenti Ákimshiliginiń Áleýmettik-ekonomıkalyq monıtorıng bóliminiń meńgerýshisi.

2018 jylǵy qarasha men 2019 jylǵy naýryz aralyǵynda Qazaqstan Respýblıkasy Prezıdentiniń Kómekshisi.

2019 jyldyń 22 naýryzynda Qazaqstan Respýblıkasy Qarjy mınıstrliginiń Jaýapty hatshysy bolyp taǵaıyndalǵan.

2020 jyldyń 18 mamyrynda Qazaqstan Respýblıkasynyń Qarjy mınıstri bolyp taǵaıyndaldy.

2024 jylǵy 6 aqpanda bul laýazymynan bosatyldy.

2024 jyly 20 mamyrdan bastap qazirgi deıin Prezıdent keńesshisi qyzmetin atqaryp keldi.

Osyǵan deıin Ermek Kósherbaevtyń Premer-Mınıstrdiń orynbasary laýazymyna taǵaıyndalǵanyn habarladyq.