Aqmolalyqtar Alǵys aıtý kúnin qalaı atap ótti
Merekelik shara óńirdiń qoǵam qaıratkerlerine qurmet kórsetýden bastaldy. Іs-shara aıasynda eńbek ardagerleri, kásiporyn basshylary «Halyq alǵysy» medaldarymen, alǵys hattarmen marapattaldy.
Sonymen birge, oblys ákimi óńirdiń áleýmettik-ekonomıkalyq damýyna úles qosqan azamattarmen kezdesti. Ermek Marjyqpaev qańtar oqıǵasy kezinde beıbitshilik pen turaqtylyqty saqtaǵan jerlesterine alǵys aıtty.
«Tótenshe jaǵdaı rejımi kezinde janashyr aqmolalyqtar elimizde alǵashqylardyń biri bolyp polıtsııa organdarymen birlesip qoǵamdyq tártipti qamtamasyz etý úshin halyq jasaǵyna birikti. Azamattyq sektor ókilderi blok-beketterdegi jáne kóshelerdi patrýldeýge tartylǵan qyzmetkerlerge ystyq tamaq jetkizýdi uıymdastyrdy. Osy kúrdeli kezeńde oblys turǵyndary otansúıgishtik pen uıymshyldyq tanytty», - dep atap ótti oblys ákimi.
Kezdesý barysynda óńirdiń áleýmettik-ekonomıkalyq damýyna, birlikti, kelisimdi nyǵaıtýǵa, qoǵamda rýhanı-adamgershilik qundylyqtardy nasıhattaýǵa eleýli úles qosqany úshin oblys ákiminiń alǵys hattarymen túrli qyzmet salalarynyń ókilderi marapattaldy. Olardyń qatarynda órt sóndirýshiler, polıtseıler, áskerı qyzmetkerler, medıtsına qyzmetkerleri, metsenattar, eriktiler bar.
Іs-sharanyń jarqyn jáne áserli sáti Zerendi aýdandyq polıtsııa bóliminiń jergilikti polıtsııa qyzmeti bólimshesiniń bastyǵy, polıtsııa maıory Dáýlethan Mataevqa qutqarylǵan bir jarym jasar qyzdyń anasynyń alǵys bildirýi boldy.
Ótken jyldyń qazan aıynda polıtseıdiń jedel áreketiniń arqasynda zardap shekken bala oblystyq balalar aýrýhanasyna der kezinde jetkizildi, onda dárigerler balanyń tynys alý joldarynan bógde zatty alyp shyqty.
«Sizdiń qaıyrymdylyǵyńyz, meıirimdiligińiz úshin úlken rahmet. Qıyn sátte siz bizdi jolda tastamadyńyz jáne kómek qolyn sozdyńyz. Eshkim bireýdiń baqytsyzdyǵyna beı - jaı qaramaýy kerek», - dedi balanyń anasy Tatıana Hodakovskaıa.
Sol kúni oblys ákimi «Tynys» AQ iri qala quraýshy kásiporyndarynyń birine baryp, óńirdi damytýǵa qosqan eleýli úlesi úshin ujymǵa alǵys bildirdi.
Jalpy, oblys boıynsha «Myń alǵys» chellendji, qaıyrymdylyq aktsııalary men halyqtyń túrli sanattaryna qurmet kórsetildi.
