Aqmolalyq oqýshylar qol generatoryn qurastyrdy
KÓKShETAÝ. QazAqparat - Aqmola oblysy Bulandy aýdanynyń №2 Nıkolskoe jalpy bilim beretin mektebiniń 8-synyp oqýshylary Asanáli Áshimov pen Maksım Jýravlev qol generatoryn qurastyryp shyǵardy, dep habarlaıdy QazAqparat tilshisi.
Oqýshylardyń sózinshe, dalaǵa, tabıǵat aıasyna shyqqanda telefondy nemese basqa da qurylǵyny elektr jelileri bolmaǵan jaǵdaıda zarıadtaýǵa bolady.
«Informatıka pániniń muǵalimi Artem Tsımbaldyń jetekshiligimen biz mehanıkalyq tutqany paıdalanyp, kez kelgen usaq qurylǵyny zarıadtaýǵa múmkindik beretin qol generatoryn jasap, qurastyrdyq. Bul qurylǵynyń tasymaldanýyn eskere otyryp, ony alys qashyqtyqqa ońaı tasymaldaýǵa bolady jáne shuǵyl nemese tótenshe jaǵdaılarda baılanyssyz qalatynynan qoryqpaısyz», - dep bólisti oqýshylar.
Sonymen birge, atalmysh oqýshylar Bishkek qalasynda ótken «Biz HH ǵasyrdyń zııalylarymyz» halyqaralyq baıqaýyna qatysty. Bul baıqaýǵa Qyrǵyzstan, Reseı jáne Qazaqstannan barǵan oqýshylardyń 200-ge jýyq jumystary usynyldy.
Baıqaýda Jýravlev Maksım men Áshimov Asanalıdiń «Qol generatory» jobasy «Jańa teorııalyq ázirlemeler men modelder» atalymynda júldeli úshinshi orynǵa ıe boldy.
Aıta ketsek, budan buryn Aqmola oblysynda balalardyń jazǵy demalysy qalaı uıymdastyrylatyn jazǵan edik.
