Aqmola oblysynyń ákimi Dmıtrıı Aleksanındi quttyqtady

KÓKShETAÝ. QazAqparat  - Aqmola oblysynyń ákimi Málik Myrzalın Indonezııada ótip jatqan 18-shi Jazǵy Azııa oıyndarynda semserlesýden altyn júldege ıe bolǵan jerles sportshy Dmıtrıı Aleksanınge  quttyqtaý jedelhatyn joldady, dep habarlaıdy QazAqparat tilshisi oblystyq dene shynyqtyrý jáne sport basqarmasynyń baspasóz hatshysy Mahabbat Bolshınaǵa silteme jasap.

Oblys ákimi óziniń jedelhatynda: «Siz bul dúbirli jarysta bizdiń oblysymyzdyń ókili retinde úlken jeńiske jettińiz. Sizge jeńis jolynda jumsaǵan  erik kúshińiz ben sheberligińiz úshin alǵysymdy bildiremin. Siz ózińizge degen bapkerlerińiz ben jankúıerlerińizdiń úlken senimin aqtap qana qoımaı, Otanymyz Qazaqstannyń sporttaǵy bıik jetistikterin álemge pash ettińiz», dep atap kórsetti. 

Aıta keteıik, Dmıtrıı Aleksanın fınalda 2016 jylǵy Olımpıada chempıony Ońtústik Koreıalyq Pak San Endi utyp, bas júldeni jeńip aldy.