Aqmola oblysynda kólik jyldamdyǵyna ýaqytsha shekteý engizildi
ASTANA. KAZINFORM – QazAvtoJol Aqmola oblysynda kólik jyldamdyǵyna ýaqytsha shekteý engizilgenin habarlady.
- 2025 jylǵy 6 qarasha saǵat 00:30-dan bastap Aqmola oblysynda aýa raıynyń nasharlaýyna baılanysty respýblıkalyq mańyzy bar «Astana – Kókshetaý (aınalma jol) – Petropavl – RF shekarasy (Jańa Jol ótkizý pýnkti)» avtojolynyń 19-231 shaqyrym aralyǵynda kóliktiń barlyq túrleri úshin qozǵalys jyldamdyǵy 110 km/saǵ-tan 80 km/saǵ-qa deıin tómendetildi, - dep jazylǵan vedomstvo habarlamasynda.
Jol qozǵalysynyń qaýipsizdigin qamtamasyz etý maqsatyndaǵy bul shekteý aýa raıy turaqtanǵan soń, 2025 jylǵy 6 qarasha kúni saǵat 15:00-de qaıta alynyp tastalmaq.
Aıta keteıik, Altynemel asýynda jol ashyldy.
