Ákimdikter jedel járdem qyzmetkerlerine beıne jetondar taratady
ASTANA. KAZINFORM — Densaýlyq saqtaý mınıstri Aqmaral Álnazarova jedel járdem qyzmetkerlerine beıne jetondardy ákimdikter satyp alatynyn aıtty.
— Bul usynysqa baılanysty buıryqqa tıisti ózgeristerdi engizdik. Jedel járdem qyzmetin uıymdastrý standarty bar, sonyń aıasynda qyzmetkerlerge beıne jetondy mindetti túrde taǵylýy eskerilgen. Endi jergilikti atqarýshy organdar, ıaǵnı densaýlyq saqtaý basqarmalary osy normany iske asyrýy kerek, — dedi A. Álnazarova Májilistiń jalpy otyrysynan keıin tilshiler suraǵyna jaýap bere otyryp.
Eske salsaq, byltyr jeltoqsan aıynda Densaýlyq saqtaý mınıstri Aqmaral Álnazarova jedel járdem qyzmetkerleriniń qaýipsizdigin qamtamasyz etý jospary jaıynda aıtyp berdi.
Bul turǵyda quqyq qorǵaý organdarynyń tájirıbesi negizinde olardy beıne jetondarmen qamtamasyz etý múmkindigi pysyqtalyp jatqany málim boldy.