Aq úı: Pýtınmen Tramp emes, Ýıtkoff sóılesti

ASTANA. KAZINFORM — AQSh prezıdenti Donald Tramp búgin Vladımır Pýtınmen «nátıjeli jáne jaqsy» kelissózder týraly aıtqanda, ózin emes, arnaıy ókili Stıv Ýıtkoffty meńzegenin Aq úı naqtylady, dep habarlaıdy BBC.

Tramp buryn TruthSocial áleýmettik jelisindegi jazbasynda «biz óte jaqsy jáne ónimdi kelissózder júrgizdik» jáne «men prezıdent Pýtınnen suradym» dep jazǵandyqtan, keıbir BAQ Tramp pen Pýtınniń jeke áńgimesi bolǵanyn habarlady.

Buǵan deıin Tramp Pýtınniń áskerı qımyldardy toqtatý týraly aıtqan sózderine qatysty pikir bildirgeni týraly aqparat taraǵan edi.

Aıta keteıik, 13 naýryzda Pýtın Tramptyń arnaıy ókili Stıv Ýıtkoffty qabyldady. Bul týraly Reseı prezıdentiniń baspasóz hatshysy Dmıtrıı Peskov málimdedi.

Sondaı-aq, Peskov Reseı men AQSh prezıdentteri Vladımır Pýtın men Donald Tramptyń áńgimelesý ýaqyty áli belgilenbegenin, alaıda Máskeýde alǵan barlyq aqparatty Ýıtkoff AQSh basshysyna jetkizgennen keıin anyqtalatynyn atap ótti.