Agrosalaǵa jańa serpin: Ulytaýda oblystyq forým ótti
JEZQAZǴAN.KAZINFORM — Búgin Ulytaý oblysynda bılik ókilderi, agrarlyq salanyń mamandary jáne sarapshylar qaýymdastyǵy arasynda ashyq dıalogqa arnalǵan «Gúldense aýyl – gúldenedi elimiz» oblystyq AÓK forýmy ótti.
Іs-sharaǵa Qazaqstan Respýblıkasy Aýyl sharýashylyǵy vıtse-mınıstri Amanǵalı Berdalın, oblys ákimi Dastan Ryspekov, QR Parlamenti Senatynyń jáne Májilisiniń depýtattary, oblystyq máslıhat depýtattary, jergilikti fermerler men aýyl sharýashylyǵy taýaryn óndirýshiler qatysty.
Forým jumysy «AgroQazaq: Tehnıka. Ónim. Bolashaq» kórmesinen bastaldy. Kórmede aýyl sharýashylyǵy tehnıkasy jáne «Bir aýyl – bir ónim» jobasynyń oblystyq kezeńine qatysýshy jergilikti aýyl sharýashylyǵy óndirýshileriniń ónimderi usynyldy.
Agroónerkásiptik keshendi damytýdyń ózekti máseleleri forýmnyń plenarlyq sessııasynda talqylandy. Sessııaǵa Qazaqstan Respýblıkasy Aýyl sharýashylyǵy vıtse-mınıstri Amanǵalı Berdalın, QR Parlamenti Májilisiniń depýtaty, Agrarlyq máseleler komıtetiniń tóraǵasy Serik Egizbaev, Qazaqstan fermerleriniń respýblıkalyq qaýymdastyǵy basqarmasynyń tóraǵasy Jıgýlı Daırabaev qatysty.
Forýmda kóterilgen negizgi taqyryp fermerlerdi sapaly resýrstarmen qamtamasyz etý, memlekettik qoldaý tetikterin jetildirý, ırrıgatsııalyq júıelerdi damytý, aýyl sharýashylyǵy tehnıkasyn jańǵyrtý jáne óndiristik protsesterge tsıfrlyq tehnologııalardy engizý máselelerge arnaldy. Sondaı-aq ınnovatsııalyq jobalar sheńberinde mal sharýashylyǵy salasyndaǵy zamanaýı qoldan uryqtandyrý ádisteriniń ınnovatsııalyq baǵdarlamasy tanystyryldy.
Talqylaý qorytyndysy boıynsha Ulytaý oblysynyń agroónerkásiptik kesheniniń áleýetin arttyrýǵa jáne ózekti máselelerdi sheshýge baǵyttalǵan birqatar usynystar ázirlendi.
Forým aımaqtyń fermerlik jáne aýyl sharýashylyǵy salasyn odan ári damytýǵa baǵyttalǵan tájirıbe almasý, máselelerdi talqylaý jáne birlesken bastamalardy qalyptastyrý úshin nátıjeli alań boldy.