Abaı oblysynyń ormandarynda bıyl 13 órt boldy
Abaı oblystyq TJD baspasóz qyzmetiniń málimetine súıensek, óńir boıynsha dala órtiniń aldyn alý maqsatynda 99 adamnan turatyn 15 mobıldi top qurylǵan.
«Olar barlyǵy 133 reıd júrgizdi. Sonyń nátıjesinde, órt qaýipsizdigi erejelerin buzǵany úshin 33 adam jaýapqa tartyldy. Olarǵa QR ÁQBtK-niń 336-baby jalpy somasy 1 mln teńgeden astam aıyppul salyndy», - deıdi departament bastyǵy Manarbek Shapaǵatov.
2023 jyldyń órt qaýpi joǵary kezeńi bastalǵaly beri oblysta 13 orman órti tirkeldi. Bul ótken jyldyń sáıkes kezeńimen salystyrǵanda 2,1 esege az.
«Іri orman órti Borodýlıha aýdanynyń aýmaǵynda boldy. Sonyń saldarynan shamamen 3500 gektar orman alqaby joıyldy. Órt 22 mamyrda Reseı Federatsııasynda shyqqan. Órtti joıý úshin 900-den astam adam, 200 tehnıka, onyń ishinde 10 tikushaq jáne 1 órt sóndirý poıyzy tartylǵan», - deıdi M. Shapaǵatov.