Abaı oblysyndaǵy tabıǵı órt oqshaýlandy

ASTANA. KAZINFORM – Bul týraly QR Tótenshe jaǵdaılar mınıstrliginiń baspasóz qyzmeti habarlady.

-Qabyldanǵan sharalardyń arqasynda Abaı oblysynyń Besqaraǵaı aýdanyndaǵy tabıǵı órt oqshaýlandy, - delingen QR Tótenshe jaǵdaılar mınıstrliginiń baspasóz qyzmeti taratqan aqparatta.

Sondaı-aq onda órtti sóndirý jumystary jalǵasyp jatqany aıtylady.

Baspasóz qyzmeti sonymen qatar Abaı oblysyndaǵy órt bolǵan jerdi áýeden barlaý júrgizilgeni aıtylǵan jáne jaǵdaı únemi baqylaýda.

TJM atalǵandarmen qosa Pavlodar oblysy Baıanaýyl aýdanyndaǵy 20 gektar alqaptaǵy órttiń sóndirilgenin málim etti.

Aıta keteıik, osyǵan deıin 4 sáýir kúni tústen keıin Besqaraǵaı aýdanyna qarasty Qoıanbaı aýyly mańynda qurǵaq shóp órtengeni týraly aqparat túskeni týraly habarladyq.

Jeldiń ekpinimen órt «Semeı ormany» tabıǵı rezervatynyń Morozov fılıaly aýmaǵyna taralǵan. Oqıǵa ornyna dereý órt sóndirý bólimderi, arnaıy tehnıka men orman sharýashylyǵy qyzmetkerleri jumyldyryldy.

Sondaı-aq keshe, Baıanaýyl ulttyq parkindegi órt aýyzdyqtalǵany habarlandy.