Abaı oblysynda qoqys polıgony órtenip jatyr

ASTANA. KAZINFORM - Semeı qalasynan 12 shaqyrym jerde qatty turmystyq qaldyqtar polıgonynyń aýmaǵynda qoqys órtendi, dep habarlaıdy QR Tótenshe jaǵdaılar mınıstrliginiń baspasóz qyzmeti.

Baspasóz qyzmetiniń málimetterine qaraǵanda, qatty jel saldarynan órt qurǵaq shópke taraǵan.

Órt sóndirýshiler qurǵaq shóptiń janýyn sóndirip, qazirgi ýaqytta aldyn ala 2 gektar aýmaqta qoqys sóndirýmen aınalysyp jatyr. Oqıǵa ornynda, jerdi qalpyna keltirý, topyraqpen toltyrý jáne órtti sóndirý jumystary júrgizilip jatyr.

- Zardap shekkender joq. Órttiń sebebi anyqtalýda. Tótenshe jaǵdaı týyndaǵan jaǵdaıda 112 nómirine qońyraý shalyńyz, - delingen TJM habarlamasynda.

Osyǵan deıin Almatyda órtenip jatqan kópqabatty úıden 12 adam qutqarylǵany týraly jazdyq.