Abaı atyndaǵy memlekettik syılyqqa úmitkerlerdiń kelesi kezeńi anyqtaldy
ASTANA. KAZINFORM — Memlekettik keńesshi Erlan Qarınniń tóraǵalyǵymen 2026 jylǵy Qazaqstan Respýblıkasynyń Abaı atyndaǵy ádebıet pen óner salasyndaǵy memlekettik syılyǵyn berý jónindegi komıssııanyń alǵashqy otyrysy ótti. Bul týraly Aqorda málim etti.
Komıssııa músheleri ádebıet jáne óner salalary boıynsha Memlekettik syılyqqa usynylǵan 32 jumysty qarady.
Quramyna elimizdiń zııaly qaýym ókilderi engen komıssııa músheleri Qazaqstan Respýblıkasy Premer-mınıstriniń orynbasary – Mádenıet jáne aqparat mınıstri Aıda Balaevanyń bıylǵy Memlekettik syılyqqa túsken jumystar týraly aqparatyn tyńdady.
Daýys berý qorytyndysy boıynsha Komıssııa konkýrstyq irikteýdiń kelesi kezeńine ótken úmitkerlerdi anyqtady.
Aıta keteıik, buǵan deıin Prezıdent keńesshisi Erlan Qarın 1 shildeden bastap reformalardyń úshinshi kezeńi bastalǵanyn, Quryltaı depýtattaryn saılaý men Qazaqstan Halyq Keńesin qurý arqyly memlekettik-saıası modeldi jańǵyrtý jalǵasatynyn aıtqan bolatyn.
