8 jasar bala Býkreev shyńynan evakýatsııalandy

ASTANA. KAZINFORM — TJM RJQJ qutqarýshylarynyń jedel ári kásibı is-áreketteriniń nátıjesinde bala sátti evakýatsııalanyp, taýdyń etegine jetkizildi 

Túnde Býkreev shyńyna (3010 m) shyqqan týrıster tobynyń ishinde úsh bala bolǵany jáne solardyń biri ózin jaısyz sezinip, jedel evakýatsııa qajet ekeni týraly aqparat túsken.

Іzdestirý-qutqarý jumystaryn júrgizý úshin TJM Respýblıkalyq jedel-qutqarý jasaǵynyń jedel toby shuǵyl túrde jolǵa shyqqan. 

Býtakov shatqaly arqyly ótip, qutqarýshylar jaıaý júrip, aldyn ala berilgen koordınattar boıynsha joǵary kóterildi.

— Týrıster marshrýt boıynan tabyldy. Bala uıyqtap jatqan, jaǵdaıy qanaǵattanarlyq dep baǵalandy. Qutqarýshylar ony toptaǵy eresek adamnyń ilesýimen tómen túsirdi, — delingen TJM habarlamasynda. 

TJM RJQJ qutqarýshylarynyń jedel ári kásibı is-áreketteriniń nátıjesinde bala sátti evakýatsııalanyp, taýdyń etegine jetkizildi.