8 sáýir. Tulǵalar týǵan kún
ESІMDER
65 jyl buryn (1958) – Qazaqstan Respýblıkasy Qarjy mınıstrligi «Qarjy Akademııasy» AQ prezıdenti, Eýrazııalyq ekonomıkalyq odaq jelilik qarjy ınstıtýtynyń jetekshisi Natalıa Artemovna KORJOVA dúnıege keldi.
Almaty oblysynda týǵan. Almaty halyq sharýashylyǵy ınstıtýtyn bitirgen.
1979-1996 jyldary – Qazaq KSR, Qazaqstan Respýblıkasy Qarjy mınıstrliginiń ekonomısi, aǵa ekonomısi, bólim bastyǵy – basqarma bastyǵynyń orynbasary, bastyǵy, departament bastyǵy.
1996-1999 jyldary – Qazaqstan Respýblıkasy Eńbek jáne halyqty áleýmettik qorǵaý mınıstri. 1999-2002 jyldary – Qazaqstan Respýblıkasy qarjy vıtse-mınıstri.
2002-2006 jyldary - Qazaqstan Respýblıkasy Ekonomıka jáne bıýdjettik josparlaý birinshi vıtse-mınıstri, vıtse-mınıstri.
2006-2007 jyldary Qazaqstan Respýblıkasynyń Qarjy mınıstri bolǵan. 2008-2017 jyldary Qarjy mınıstrliginiń jaýapty hatshysy.
Qazirgi qyzmetinde - 2017 jyldyń sáýirinen. «Qurmet» ordenimen marapattalǵan.
63 jyl buryn (1960) Qazaqstan Respýblıkasynyń memleket qaıratkeri, Qazaqstan Respýblıkasynyń Cheh Respýblıkasyndaǵy Tótenshe jáne Ókiletti Elshisi Marat Muhanbetqazyuly TÁJINdúnıege keldi.
Aqtóbe qalasynda týǵan. 1981 jyly Almaty halyq sharýashylyǵy ınstıtýtyn, ekonomıst mamandyǵy boıynsha bitirgen. Fılosofııa ǵylymdarynyń kandıdaty (1985). Áleýmettaný ǵylymdarynyń doktory (1988). London ýnıversıtetiniń doktoranty (1988). Professor (1993 jyl). Ystanbul ýnıversıtetiniń qurmetti professory (2008 jyl).
Qazaqstan Respýblıkasy Áleýmettik ǵylymdar akademııasynyń akademıgi, Reseıdiń áleýmettik ǵylymdar akademııasynyń akademıgi, Reseıdiń jaratylystaný ǵylymdary akademııasynyń sheteldik akademıgi, Qazaqstan Respýblıkasy saıası ǵylymdar akademııasynyń akademıgi jáne prezıdenti, Qazaqstan Respýblıkasy áleýmettanýshylar qaýymdastyǵynyń prezıdenti, Túrki tildes elder áleýmettanýshylar odaǵynyń prezıdenti.
1981 jyldan bastap – Qaz KSR Ǵylym akademııasy Óndiristik kúshterdi zertteý jónindegi keńestiń kishi ǵylymı qyzmetkeri. 1983-1987 jyldary – aspırant, S.M.Kırov atyndaǵy Qazaq memlekettik ýnıversıtetiniń oqytýshysy. 1991 jyly – ál-Farabı atyndaǵy QazMÝ janyndaǵy qoǵamdyq ǵylymdar oqytýshylarynyń biliktiligin arttyrý ınstıtýtynyń kafedra meńgerýshisi.
1992 jyly – Qazaqstan Respýblıkasynyń Prezıdenti jáne Mınıstrler Kabıneti Apparatynyń ishki saıasat bólimi meńgerýshisiniń orynbasary; Qazaqstan Respýblıkasynyń Prezıdenti jáne Mınıstrler Kabıneti Apparatynyń Aqparattyq-taldaý ortalyǵynyń jetekshisi; Qazaqstan Respýblıkasynyń Prezıdenti Apparatynyń Іshki saıasat bóliminiń meńgerýshisi.
1993 jyly – Qazaqstan Respýblıkasynyń Prezıdenti Apparaty basshysynyń orynbasary – Qazaqstan Respýblıkasynyń Prezıdenti Apparatynyń Aqparattyq-taldaý ortalyǵynyń jetekshisi. 1994 jyly – Qazaqstan Respýblıkasy Prezıdentiniń Memlekettik keńesshisi – Qazaqstan Respýblıkasynyń Prezıdenti Apparatynyń Aqparattyq-taldaý ortalyǵynyń jetekshisi.
1995 jyly – Qazaqstan Respýblıkasynyń Prezıdenti Ákimshiligi basshysynyń orynbasary – Qazaqstan Respýblıkasynyń Prezıdenti Ákimshiligi Taldaý jáne strategııalyq zertteýler ortalyǵynyń jetekshisi. 1999 jyly – Qazaqstan Respýblıkasy Prezıdentiniń Ulttyq qaýipsizdik máseleleri jónindegi kómekshisi.
2000 jyly – Qazaqstan Respýblıkasy Sybaılas jemqorlyqpen kúres jónindegi memlekettik komıssııa tóraǵasy. 2001 jyly – Qazaqstan Respýblıkasy Ulttyq qaýipsizdik komıtetiniń tóraǵasy. 2001 jyly – Qazaqstan Respýblıkasy Prezıdentiniń Ulttyq qaýipsizdik máseleleri jónindegi kómekshisi – Qazaqstan Respýblıkasy Qaýipsizdik keńesiniń hatshysy. 2002 jyly – Qazaqstan Respýblıkasy Prezıdenti Ákimshiligi basshysynyń birinshi orynbasary.
2006 jyly – Qazaqstan Respýblıkasy Prezıdentiniń kómekshisi – Qazaqstan Respýblıkasy Qaýipsizdik keńesiniń hatshysy. 2007 jyly – Qazaqstan Respýblıkasynyń Syrtqy ister mınıstri. 2009 jyly – Qazaqstan Respýblıkasy Prezıdentiniń kómekshisi – Qazaqstan Respýblıkasy Qaýipsizdik keńesiniń hatshysy.
2013 jyly – Qazaqstan Respýblıkasynyń Memlekettik hatshysy. 2014 jyly – Qazaqstan Respýblıkasynyń Reseı Federatsııasyndaǵy Tótenshe jáne ókiletti elshisi. 2017 jyly – Qazaqstan Respýblıkasy Prezıdenti Ákimshiligi basshysynyń birinshi orynbasary.
2019 jyly 1 naýryzda Memleket basshysynyń Jarlyǵymen Qazaqstan Respýblıkasynyń Memlekettik hatshysy bolyp taǵaıyndaldy.
2019 jyldyń qarasha aıynan beri qazirgi qyzmetinde.
«Qurmet» (2002), І dárejeli «Barys» (2007), ІІ dárejeli «Barys» (2016) ordenderimen jáne alty medalmen marapattalǵan. Qazaqstan Respýblıkasy ulttyq qaýipsizdik organdarynyń qurmetti qyzmetkeri. Tótenshe jáne ókiletti elshi dárejesine ıe.
57 jyl buryn (1966) VIII shaqyrylǵan Parlament Májilisiniń depýtaty Aına Ermekqyzy MYSYRÁLІMOVA dúnıege keldi.
Eki joǵary bilimi bar, Qaraǵandy memlekettik ýnıversıtetin orys tili men ádebıet pániniń oqytýshysy, Sh.Ýálıhanov atyndaǵy Kókshetaý memlekettik ýnıversıtetin áleýmettaný bakalavry boıynsha bitirdi. Eńbek jolyn 1983 jyly bastaǵan.
1994 jyldyń qańtarynan bastap 2005 jyldyń qańtaryna deıin jergilikti atqarýshy organdarda ártúrli ákimshilik memlekettik qyzmet laýazymdarynda jumys istedi. 2005 jyldyń qańtarynan bastap 2008 jyldyń sáýirine deıin Aqmola oblysy ishki saıasat departamenti dırektorynyń orynbasary.
2011 jyldyń qarasha aıynan bastap Kókshetaý qalasy ákiminiń orynbasary bolyp istedi. 2013 jyldyń naýryzynan bastap 2015 jyldyń qyrkúıegine deıin - Arshaly aýdany ákiminiń orynbasary.
2015 jylǵy qyrkúıekten bastap - Qazaqstan halqy Assambleıasy Aqmola oblystyq hatshylyǵynyń meńgerýshisi. 2015 jylǵy qarashadan 2017 jylǵy maýsymǵa deıin oblystyq ishki saıasat basqarmasy basshysy. 2017-2022 jyldary Aqmola oblysy ákiminiń orynbasary
2023 jylǵy naýryzynan qazirgi qyzmetinde.
48 jyl buryn (1975) Qazaqstan Respýblıkasy Joǵary aýdıtorlyq palata múshesi Nurlan Amangeldiuly NURJANOV dúnıege keldi.
Ońtústik Qazaqstan oblysynda týǵan. Qaztutynýodaǵy Qaraǵandy ekonomıkalyq ýnıversıtetin bitirgen (2000).
Eńbek joly: «Shymkentmelıoratsııa» PMK-23 qyzmetkeri (1992-1993); Shymkent qalasy boıynsha qarjy bóliminiń jetekshi mamany (1997-1998); Ońtústik Qazaqstan oblysy boıynsha qarjy departamentiniń bas mamany, bólim bastyǵy (1998-2004); Ońtústik Qazaqstan oblysy Kentaý qalasy boıynsha qarjy bóliminiń bastyǵy (2004-2008); Ońtústik Qazaqstan oblysy ákimi apparatynyń ishki aýdıt qyzmeti bóliminiń bastyǵy (01.2008-07.2008); Ońtústik Qazaqstan oblysy Ońtústik Qazaqstan oblysy ekonomıka jáne bıýdjettik josparlaý departamentiniń bólim bastyǵy, basqarma bastyǵynyń orynbasary (2008-2009); Ońtústik Qazaqstan oblysynyń ekonomıka jáne bıýdjettik josparlaý basqarmasy bastyǵynyń orynbasary (2009-2013); Ońtústik Qazaqstan oblysy boıynsha Tekserý komıssııasynyń tóraǵasy (2013-2016). Respýblıkalyq bıýdjettiń atqarylýyn baqylaý jónindegi esep komıtetiniń múshesi (2016-2022).
Atqaratyn laýazymynda – 2022 jylǵy jeltoqsanynan bastap.
«Eren eńbegi úshin» medalimen (2020); vedomstvolyq jáne mereıtoılyq nagradalarmen; «Memlekettik aýdıt jáne qarjylyq baqylaý salasynyń qurmetti qyzmetkeri» (2019) tósbelgimen marapattalǵan.
47 jyl buryn (1976) «Qazaq gazetteri» JShS bas dırektorynyń birinshi orynbasary Vladımır Gennadevıch KÝRıATOV dúnıege keldi.
Qyzylorda qalasynda dúnıege keldi. Qyzylordadaǵy «Bolashaq» ýnıversıtetin támamdaǵan.
Eńbek joly: 1996-1998 jj. – QR Qarýly kúshteriniń áskeri qatarynda. Qyzyloda qalalyq gazetiniń tilshisi (1998-1999 jj.). «Kyzylordınskıe vestı» oblystyq gazetiniń tilshisi (1999-2001 jj.), «Chas pık» oblystyq gazetiniń redaktory (2001-2005 jj.), t.b. qyzmetter atqardy.
«Kazahstanskaıa pravda» gazeti AQ basqarma tóraǵasynyń orynbasary (2017-2021) boldy. «Egemen Qazaqstan» AQ basqarma tóraǵasynyń birinshi orynbasary (2021-2023). Qazirgi qyzmetinde – 2023 jyldan bastap.
2016 jyly QR Prezıdenti syılyǵynyń laýreaty atandy.
41 jyl buryn (1982) álemge áıgili boksshy, birqatar joǵary marapattar men chempıondyq tıtýldar ıegeri Gennadıı GOLOVKIN dúnıege keldi.
Qaraǵandyda týǵan. E.Bóketov atyndaǵy Qaraǵandy memlekettik ýnıversıtetiniń dene tárbıesi jáne sport fakýltetin bitirgen (2003).
2003 jyldan beri – «Astana batyry» jekpe-jek klýby» MKQK-da boks jónindegi nusqaýshy – sportshy. Universum Box Promotion múshesi (Nemis kásibı klýby, 2006).
QR birinshiliginiń jeńimpazy (2000-2002); QR I spartakıadasynyń chempıony; jastar arasyndaǵy álem chempıony (2000); Shyǵys Azııa oıyndarynyń chempıony (2001); Azııa oıyndarynyń chempıony (Ońtústik Koreıa, Pýsan, 2002); jeke synaq boıynsha Álem kýbogynyń chempıony (2002); álem chempıony (2003); «A» klasty týrnırlerdiń birneshe márte jeńimpazy.
75 kg deıingi salmaqta álem chempıony (Bangkok, Taıland, 2003); Olımpıada oıyndarynyń 75 kg deıingi salmaqtaǵy kúmis júldegeri (Afına, Grekııa, 2004); «A» klasy týrnırleriniń kóp márte jeńimpazy.
Kásipqoı boksta WBO nusqasy boıynsha «Interkontınental» chempıondyq tıtýlynyń ıegeri (2010).
Gennadıı Golovkın – orta salmaqta (73 kg) WBA, IBO jáne WBC nusqalary boıynsha álem chempıony.
Kásipqoı boksta 40 jekpe-jek ótkizip, 38-de jeńiske jetken. QR sport sheberi (2000).
Halyqaralyq klastaǵy sport sheberi (2002). Bokstan QR Eńbek sińirgen sport sheberi (2003).
«Qurmet» ordenimen marapattalǵan.
