8 aqpan. Jylnama
Kazinform oqyrman nazaryna 8 aqpanǵa arnalǵan ataýly kúnder men este qalar oqıǵalar kúntizbesin usynady.
ATAÝLY KÚNDER
Jas antıfashıst-batyr balalar kúni
Antıfashıstik kóterilisterge qatysyp, qaza bolǵan balalardyń, atap aıtqanda, frantsýz balasy Danıel Ferı men ırak oqýshysy Fadyl Jamaldyń qurmetine osylaı atalǵan. Bul eki balanyń ómiri araǵa bir jyl salyp bir kúnde jáne bir saǵatta qıylǵan. Ferı 1962 jyly, al Jamal 1963 jyly 8 aqpanda qaıtys bolǵan.
ESTE QALAR OQIǴALAR
1924 jyly «Eńbekshil qazaq» gazetiniń tórtinshi betinde aptasyna bir ret shyǵatyn jastar beti ashyldy. Keıinnen «Lenınshil jas» dep atalǵan osy bettiń redaktory E.Aldońǵarov boldy. 1925 jyldan bastap «Jas qaırat» atty derbes gazet bolyp shyqty.
2005 jyly Qazaqstanda birinshi Halyqaralyq arbıtrajdy sot ashyldy. 2004 jyly 28 jeltoqsanda Qazaqstan Respýblıkasynyń «Aralyq sottar týraly» jáne «Halyqaralyq kommertsııalyq arbıtraj týraly» zańdarynyń qabyldanýy buǵan negiz boldy. Qazaqstandyq halyqaralyq arbıtraj - turaqty qyzmet etetin arbıtrajdy ınstıtýt.
2006 jyly Qazaqstanda «Qurmetti mashına jasaýshy» belgisi taǵaıyndalyp, ol QR Indýstrııa jáne saýda mınıstriniń atynan beriletin boldy.
2007 jyly Almatyda «MG Production» prodıýserlik kompanııasy «Qazaqstannyń altyn adamdary» serııasynyń «Pesnı dýshı» atty derekti fılmin usyndy. Fılm aty ańyzǵa aınalǵan tanymal ánshi jáne ár túrli tarıhı kezeńderdiń kýágeri Bıbigúl Tólegenova ómirinen beımálim derekterdi qamtıdy. Fılm ánshi shyǵarmashylyǵynyń 55 jyldyǵyna arnalady. Rejısserleri - Asıa Súleeva jáne Ánýar Raıbaev.
2010 jyly Berlındegi «World Money Fair» halyqaralyq kórmesinde Krause Publications ótkizetin konkýrstyń qorytyndysy boıynsha «Tarıhı taqyryp boıynsha eń úzdik moneta» atalymynda Qazaqstan Respýblıkasy Ulttyq Bankiniń «Uly qolbasshylar» serııasynan shyǵarylǵan «Shyńǵys han» eskertkish kúmis monetasy marapattaldy. Konkýrs sheńberinde birneshe atalymda moneta saraılarynda soǵylǵan nemese memlekettik organdar - emıtentter shyǵarǵan eń úzdik monetalar aıqyndaldy. Konkýrstyq komıssııa shara kezinde shyǵarylǵan kollektsııalyq jáne eskertkish monetalardy derbes iriktep aldy. Monetalardy baǵalaý dızaınynyń tartymdylyǵyn, kórkemdik oryndalýyn jáne soǵylý sapasyn baǵalaýǵa negizdeldi. «Uly qolbasshylar» serııasynan nomınaly 100 teńgelik «CHINGIZ KHAN» monetasy 2008 jylǵy 31 mamyrda aınalysqa shyǵarylǵan.
2012 jyly Germanııa astanasy Berlınde Eýrazııalyq klýbynyń ashylý saltanaty ótti. Atalǵan Klýb Qazaqstan Respýblıkasy men Germanııa Federatıvtik Respýblıkasynyń, sondaı-aq Eýropalyq Odaq arasyndaǵy qoǵamdyq-saıası máselelerdiń keń aýqymyn talqylaýǵa arnalǵan dıalog alańy. Bul Qazaqstannyń Eýropadaǵy jańa múmkindikterdi qarastyrý, eýropalyq jáne azııalyq mádenıetter arasynda dıalogty nyǵaıtý baǵytyndaǵy tuńǵysh jobasy bolyp otyr.
2012 jyly Almatyda Azııadaǵy ózara is-qımyl jáne senim sharalary jónindegi keńestiń (AÓSShK) birinshi kezdesýi aıaqtaldy. Oǵan 15 memlekettiń Syrtqy ister jáne Qorǵanys mınıstrlikteriniń ókilderi qatysty.
2014 jyly Kanada men ıAmaıkada Qazaqstannyń elshiligin qosa atqarýshy Konstantın Jıgalov Kıngstonda general-gýbernator Patrık Allenge eki el arasyndaǵy dıplomatııalyq qatynas ornaǵan sátten bastap ıAmaıkadaǵy (qosa atqarýshy) alǵashqy qazaqstandyq elshi retinde akkredıtteıtin senim gramotasyn tabystady.
2015 jyly Kanadanyń Kalgarı qalasynda qazaqstandyq ardager konkıshi Vladımır Kostın +35 jas dárejesinde 3 000 metr qashyqtyqta jańa álemdik rekord ornatty. Sportshynyń ýaqyty 3.57,49 qurady. Masters sanatyndaǵy jańa rekord Kópsaıystan álem chempıonaty aıasynda ornatyldy.
2016 jyly Tegeranda Qazaqstan Respýblıkasy men Iran Islam Respýblıkasynyń Іskerlik keńesi ótti. 2015 jyldyń qazanynda Qazaqstan men Iran iskerlik keńesiniń yntymaqtastyǵy týraly memorandýmǵa qol qoıyldy.
2017 jyly Shvetsııanyń Býros qalasynda ótken Golden Girl týrnırinde Qazaqstannyń boksshy qyzdary 3 altyn, 2 kúmis jáne 6 qola medal jeńip aldy. Týrnırge álemniń 22 elinen 254 sportshy qatysty.
2017 jyly Almatyda 28-shi Búkilálemdik qysqy Ýnıversıada-2017 oıyndary resmı túrde jabyq dep jarııalandy. Ýnıversıadanyń jabylý saltanaty jarystardyń sımvolıkalyq Alaýyn sóndirýmen aıaqtaldy.Jalpy komandalyq esepte Qazaqstan quramasy ekinshi oryn aldy. Olardyń enshisinde 11 altyn, 6 kúmis jáne 17 qola bar.
2019 jyly Almaty qalasynyń ortalyq memlekettik ǵylymı-tehnıkalyq qujattama arhıvi megapolıstiń dinı ǵımarattaryn qurý tarıhynan alǵash ret qujattar jarııalaǵan jınaqty tanystyrdy.
2021 jyly 7 myń orynǵa eseptelgen jáne qajetti qural-jabdyqtarmen tolyq jabdyqtalǵan «Túrkistan-arena» stadıony UEFA halyqaralyq talaptaryna sáıkes sertıfıkattaýdan ótti. Sport keshenine fýtbol alańy, jeńil atletıkadan jarystar ótkizýge arnalǵan jabyq arena kiredi. Sonymen qatar, akrobatıka, boks, aýyr atletıka, gımnastıka jáne ıogaǵa arnalǵan zaldar qarastyrylǵan.
2022 jyly Qazaqstan Respýblıkasy Qorǵanys mınıstrliginiń áskerı medıtsına ortalyǵy bilim berýdegi sapany qamtamasyz etý jónindegi Táýelsiz agenttiktiń (IQAA) akkredıtatsııasyn aldy. Mekeme ulttyq, eýropalyq jáne halyqaralyq bilim berý standarttaryna laıyq dep tanyldy. Bul – mekemeniń elimizdegi bilim berý jáne áskerı medıtsına júıesindegi básekege qabilettiligin arttyrýǵa yqpal etedi.
