600 maman, 23 jas: Erlan Qarın qazaqstandyq AI komandasymen kezdesti
ASTANA. KAZINFORM — Vıtse-Prezıdent Erlan Qarın Almatyda 600 mamannan turatyn, ortasha jasy 23-ti quraıtyn Higgsfield AI komandasymen kezdesip, qazaqstandyq jastardyń jasandy ıntellekt salasyndaǵy jetistikterimen tanysty.
— Almatydaǵy is-sapar kezinde ýaqyt taýyp Higgsfield AI komandasymen jolyǵyp, jobalarymen tanystym. Komanda quramynda 600 adam, ortasha jasy – 23 jas. Basym kópshiligi – ózimizdiń jastar. Birqatary shetelde oqyp, jumys istep, elge arnaıy osy jobamen aınalysý úshin oralǵan. Osyndaı daryndy, bilimdi jastar jigerlendiredi, úlken úmit syılaıdy. Olar elimizdiń jasandy ıntellekt, ınnovatsııalar salasyndaǵy halyqaralyq bedelin nyǵaıtýd, — dep jazdy Erlan Qarın.
Aıta keteıik,ol buǵan deıin Almatydaǵy Ábý Nasyr ál-Farabıdiń fılosofııalyq jáne ǵylymı murasyna arnalǵan «Fılosofııa. Etıka. Bolashaq» atty halyqaralyq sımpozıýmǵa qatysqan edi. Vıtse-prezıdent aýqymdy ári mańyzdy ǵylymı is-shara eki jylda bir ret turaqty túrde uıymdastyrylatynyn aıtqan bolatyn.
