6 maýsym. Tulǵalar týǵan kún
Búgin, 6 maýsym kúni tulǵalardan kimder dúnıege kelgen? Kazinform oqyrmandaryna esimder kúntizbesin usynady.
ESІMDER
88 jyl buryn (1936) belgili sýretshi, Qazaqstannyń eńbek sińirgen óner qaıratkeri, Qazaqstan Respýblıkasy Sýretshiler odaǵynyń múshesi Tursyn ÁBÝOV dúnıege keldi.
Almaty oblysynyń Іle aýdanynda týǵan. 1966 jyly N.V.Gogol atyndaǵy Almaty kórkemsýret ýlışesin, 1976 jyly Abaı atyndaǵy Qazaq pedagogıkalyq ınstıtýtyn bitirdi.
Ábýov Tursynnyń keskindemeshi retinde shyǵarmashylyq qalyptasýy óte bir erekshe zaman – ótken ǵasyrdyń 60-shy jyldarynyń aıaǵyna saı keldi. 70-shi jyldardaǵy eń úzdik jumystary dep Á.Qasteev atyndaǵy MÓM qorynda saqtaýly turǵan «Kóktemgi Alataý», «Gúlder», «Kóne ydys-aıaq», «Іle», «Shatqal», «Taý baǵbany» degen eńbekterin aıtýǵa bolady. T.Bıgeldınovtyń portreti Máskeýde Qarýly kúshter murajaıynda saqtaýly tur. 80-90-shy jyldary T. Ábýov keń túrdegi taqyryptyq serııalarǵa, «Іle tuqym sharýashylyǵy trıptıhy», «Qazaqstan trıptıhy. Tyń», «Abaı halyq arasynda» (1984), «Qıyn jyldar», «Meıramdar» (1987), «Kólsaı» men «Ómir ótkelderi» trıptıhteri (N.Á.Nazarbaevtyń jeke toptama qorynda) sııaqty kópfıgýraly kompozıtsııalarǵa kóbirek den qoıa bastaıdy, onyń ishinde «Ómir-Ózen» atty trıptıhy aıryqsha. Bul mazmuny jaǵynan da, kólemi jaǵynan da (bıiktigi 170 sm, uzyndyǵy 23 m) kólemdi kartınalardyń biri. Sýretshi óz taǵdyrynyń belesteri arqyly týǵan jeriniń kórinisterin, ulttyq dástúrlerdi kórsetedi.
49 jyl buryn (1975) Qazaqstan Respýblıkasy Prezıdenti Іs basqarýshysynyń orynbasary Rýstam Ahathanuly BAıALIEV dúnıege kelgen.
Almaty qalasynda dúnıege kelgen.1996 jyly Ál-Farabı atyndaǵy Qazaq ulttyq ýnıversıtetin, 1998 jyly Eýrazııa naryq ınstıtýty, halyqaralyq jýrnalıst (bakalavr), ekonomıka bakalavry, ekonomıka magıstri.
Eńbek joly: 1997 jyly QR Qarjy mınıstrliginde Memlekettik salyq komıtetiniń mamany, 1997-1999 jyldary jyly Qaraǵandy oblysy ákimi orynbasarynyń keńesshisi, oblys ákiminiń kómekshisi, 1999-2002 jyldary QR Qarjy mınıstriniń kómekshisi – departament hatshylyǵynyń meńgerýshisi, basqarma bastyǵynyń orynbasary, basqarma bastyǵy, departament dırektorynyń orynbasary,2003-2004 jyldary QR Indýstrııa jáne saýda mınıstrliginde departament dırektory, komıtet tóraǵasynyń orynbasary, 2004-2005 jyldary Aqmola oblysy ákimi apparatynyń basshysy qyzmetin atqarǵan. 2005-2014 jyldary «TPEP» JShS bas dırektorynyń keńesshisi qyzmetinde boldy. 2014 jyldan bastap «Astanaenergoservıs» AQ basqarma tóraǵasy;
2024 jyly qańtarda QR Prezıdenti Іs basqarýshysynyń orynbasary bolyp taǵaıyndaldy.
47 jyl buryn (1977) Qazaqstan Respýblıkasy Ulttyq banki tóraǵasynyń orynbasary Danııar Valerevıch VAGAPOV dúnıege keldi.
Almaty qalasynda týǵan. 1998 jyly Qazaq memlekettik zań ýnıversıtetin «quqyqtaný» mamandyǵy boıynsha bitirgen.
Eńbek joly: 1999 jyly QR Qarjy mınıstrligi Zań qyzmeti departamentiniń Zańnamany quqyqtyq saraptaý, kodtaý jáne júıeleý basqarmasynyń jetekshi mamany, 1999-2000 jyldary QR Kólik jáne kommýnıkatsııa mınıstrliginiń Zań departamenti Normatıvtik-quqyqtyq qamtamasyz etý basqarmasynyń Zańnamany taldaý bóliminiń bas mamany, 2000-2001 jyldary QR Qarjy mınıstrligi Zań qyzmeti departamenti Quqyqtyq saraptama, zańnamany júıeleý jáne quqyqtyq jalpyǵa mindetti oqý basqarmasynyń quqyqtyq saraptama bóliminiń bastyǵy, 2001-2002 jyldary QR Prezıdent Ákimshiliginiń Memlekettik-quqyqtyq bóliminiń konsýltanty qyzmetinde boldy. 2002-2003 jyldary QR Premer-Mınıstri Keńsesi Zań bóliminiń azamattyq jáne sharýashylyq zańnama sektorynyń meńgerýshisi, 2003-2006 jyldary QR Qarjy mınıstrligi Zań qyzmeti departamentiniń dırektory qyzmetin atqarǵan. 2006-2007 jyldary kommertsııalyq uıymdarda jumys istegen. 2007-2008 jyldary QR Prezıdentiniń QR Parlamentindegi ókildigi basshysynyń orynbasary, 2008-2013 jyldary «Nur Otan» HDP Zań basqarmasynyń basshysy, «Nur Otan» HDP Ortalyq apparaty basshysynyń orynbasary laýazymyn atqarǵan. 2013-2014 jyldary QR Ekonomıka jáne bıýdjettik josparlaý mınıstrliginiń Saýda komıtetiniń tóraǵasy, 2014-2018 jyldary QR Ekonomıka mınıstrliginiń jaýapty hatshysy, 2018-2020 jyldary Memleket basshysynyń Ókimimen QR Prezıdenti Ákimshiligi Memlekettik quqyq bóliminiń meńgerýshisi qyzmetin atqardy.
2020 jyldyń maýsymynan bastap qazirgi qyzmetinde.
«Qurmet» ordenimen, «Eren eńbegi úshin», «Kazaqstan Konstıtýtsııasyna 10 jyl», «Astananyń 10 jyldyǵy», «Qazaqstan Respýblıkasynyń táýelsizdigine 20 jyl», «Qazaqstan Konstıtýtsııasyna 20 jyl» medaldarimen marapattalǵan.
